بىرىككەن ۇلتتار ۇيىمىندا جاڭا كەڭەس قۇرىلماق. حالىقارالىق قاۋىمداستىقتىڭ جالپى كەڭەسى قابىلداعان قاۋلى بويىنشا جاڭادان قۇرىلعان فورۋم ناسىلشىلدىككە قارسى كۇرەس ىستەرىمەن اينالىسادى.

جاڭا فورۋمنىڭ قۇرىلۋىنا قاۋىمداستىق كەڭەسىنىڭ 193 مۇشەسى تۇگەل داۋىس بەردى. ناسىلشىلدىك، ناسىلگە ءبولۋ، ەلىندەگى شەتەل ازاماتتارىنا دۇشپاندىق ماسەلەلەرىن شەشۋ ءۇشىن قۇرىلعان فورۋم «افريكالىق ناسىلدەگى ادامداردىڭ تۇراقتى فورۋمى» دەپ اتالادى.

ونىڭ باستى مىندەتى افريكالىق ناسىلدەگى ادامنىڭ ساياسي، ەكونوميكالىق جانە الەۋمەتتىك قاتىسۋى مەن قۇقىعىنىڭ قورعالۋىنا قولداۋ كورسەتۋ. بۇدان تىس بۇۇ-نىڭ ادام قۇقىعى جونىندەگى كەڭەسى، جالپى كەڭەسى جانە وزگە دە ۇيىمدارىنا ناسىلشىلدىكپەن كۇرەسۋ بويىنشا ەكسپەرتتەردىڭ ۇسىنىستارىن جەتكىزۋ مىندەتى بار.

فورۋمعا 10 مۇشەنى بۇۇ جالپى كەڭەسى سايلايدى. ال، 5 مۇشەنى قاۋىمداستىقتىڭ ادام قۇقىعى جونىندەگى كەڭەسىنەن ۇسىنىلادى. فورۋمنىڭ العاشقى وتىرىسى 2022 جىلى وتەتىن بولادى.

“The Qazaq Times”