قازاقستان بوكسشىسى ساكەن بيبوسىنوۆ توكيوداعى وليمپيادا ويىندارىنىڭ جارتىلاي فينالىندا جەڭىلىپ، قولا جۇلدەگەر اتاندى.
52 كيلوگرام سالماقتا سىنعا تۇسكەن بيبوسىنوۆ 5 تامىز كۇنى وتكەن جارتىلاي فينالدا ۇلىبريتانيا بوكسشىسى گالال يافايدان 2-3 ەسەبىمەن جەڭىلدى. ول ءبىرىنشى راۋندتا ءبىر رەت نوكداۋنعا ءتۇستى.
وعان دەيىن قازاقستاندىق بوكسشى العاشقى اينالىمدا پۋەرتو-ريكولىق يانكەل ريۆەرانى، 8/1 فينالدا 2019 جىلىعى الەم چەمپيوناتىنىڭ قولا جۇلدەگەرى فرانتسۋز بيلال بەننامانى، شيرەك فينالدا ەۋروپا ويىندارىنىڭ چەمپيونى گابريەل ەسكوباردى جەڭگەن ەدى.
بيبوسىنوۆتى جەڭگەن يافاي ەندى فينالدا فيليپپين بوكسشىسى كارلو پاالامعا قارسى جۇدىرىقتاسادى.
بيبوسىنوۆ - توكيودا جۇلدە العان قازاقستاننىڭ ەكىنشى بوكسشىسى. 4 تامىزدا اسا اۋىر سالماتاعى قامشىبەك قوڭقاباەۆ تا جارتىلاي فينالدا جەڭىلىپ، قولا جۇلدە يەلەنگەن. قازاقستان قۇراماسىنىڭ قالعان بوكسشىلارى جارتىلاي فينالعا دەيىن جەڭىلىپ، جۇلدەسىز قالدى.
بۇل - قازاقستان بوكسشىلارى التىن الا الماعان العاشقى وليمپيادا.
يرانداعى قانتوگىس پەن سىرتقى قىسىم: ترامپتىڭ ەكىۇشتى سيگنالى
كونستيتۋتسيا تاعى وزگەرمەك: رەفورما ما، الدە بيلىكتى قايتا قۇراستىرۋ ما؟
اقش «تاساداعى فلوتقا» توسقاۋىل قويدى: Olina تانكەرى جانە تەڭىزدەگى جاڭا سانكتسيالىق سوعىس
اتىراۋداعى جۇمباق جوعالۋ مەن ادام ءولىمى: ءىز-ءتۇزسىز ارتىلعان وتباسى، پوليتسيا تەرگەۋى جانە قوعام رەاكتسياسى
ايزات جۇمانوۆانىڭ ءولىمى: بۇگىن ۇكىم وقىلدى، ايىپتالۋشى 14 جىلعا سوتتالدى
ۋكراينا سوعىس جاعدايىنداعى باسقارۋ مودەلىن قايتا قالىپتاستىرۋدا: بۋدانوۆ پرەزيدەنت كەڭسەسىنە كەلدى