اقش پەن قىتاي كورەي تۇبەگى جاۋاپكەرشىلىگىنەن جالتارا باستادى

وسىدان ەكى كۇن بۇرىن، اقش ۆيتسە-پرەزيدەنتى مايك بەرنس وڭتۇستىك كورەياعا ساپارىن باستادى. 17 ءساۋىر كۇنى مايك بەرنس پەن وڭ.كورەيا پرەمەر-ءمينيسترى حۆان كيو-ان سەۋلدە بىرلەسكەن ءباسپاسوز ءماسليحاتىن وتكىزدى. اقش ۆيتسە-پرەزيدەنتىنىڭ جۋرناليستەرگە بەرگەن جاۋابىندا: «اقش سولتۇستىك كورەيانىڭ بەيبىتشىلىكتى قولداپ، ءوزىنىڭ يادرولىق باعدارلاماسىنان باس تارتادى دەپ ۇمىتتەنەدى، بىراق، وسىمەن ءبىر ۋاقىتتا ءبىز وزگە بارلىق مۇمكىندىكتەردى قاراستىراتىن بولامىز»، – دەدى.

قىتاي سىرتقى ىستەر مينيسترلىگىنىڭ وكىلى لۋ كاڭ ولارمەن ۇقساس ۋاقىتتا حابارلاما جاريالاپ: «اقش – كورەي تۇبەگى ماسەلەسىندە ەڭ ماڭىزدى تاراپ بولىپ سانالادى. سوندىقتان قىتاي تارابى اقش-تىڭ تۇبەك ماسەلەسىن بەيبىت جولمەن شەشۋدە بەلسەندى ءرول ويناۋىن قۇپتايدى. ءوز-ارا ديالوگ پەن كونسۋلتاتسيالار ارقىلى كورەي تۇبەگىنىڭ يادروسىزدانۋىنا بەيبىت جولمەن جەتىپ، تۇبەكتىڭ بەيبىتشىلىگى مەن تۇراقتىلىعىن ساقتاۋعا ءتيىسپىز. قىتاي ۇكىمەتى بۇل تالعامىنان اينىمايدى»، – دەدى.

ەكى تاراپتىڭ جاساعان مالىمدەمەلەرى ءبىر-ءبىرىن كورەي تۇبەگى ماسەلەسىنە ماڭىزدى ەتىپ كورسەتىپ، تۇبەكتەگى تۋىلۋى مۇمكىن بولعان سوعىس قاۋپىنىڭ تاريحي جاۋاپكەرشىلىگىن بولىسۋگە نيەتتى ەكەنىن اڭعارتتى. قارۋلى كۇشتەرىن قوزعاپ، اۋىر اسكەري تەحنيكالارىن تۇبەكتىڭ ماڭىنا جيناعان ەكى ەلدىڭ ەندىگى بەيبىتشىلىكتى تالداۋى، ءبىر ەسەپتەن زاڭدىلىق. سولتۇستىك كورەيا اسكەري شەرۋ وتكىزۋ ارقىلى اقش بولجاعان يادرولىق سىناقتى بولدىرمادى. ەندىگى جەردە سۋىق قارۋىن تۇبەكتىڭ اينالاسىنا ۇيمەلەتىپ، ءدوڭ ايبات تانىتۋدىڭ كەرەگى شامالى. دەسە دە، اقش سول. كورەيانىڭ الداعى ۋاقىتتا يادرولىق باعدارلامالارىنان الاڭدايتىنى شىن. ترامپتىڭ ورىنباسارىن كورەياعا اتتاندىرۋى وسى جاعدايدىڭ الدىن الۋ ءۇشىن بولدى.

16 ءساۋىر كۇنى وڭتۇستىك كورەيا ساپارىن باستاعان بەرنس، 17 ساۋىردە وڭتۇستىك–سولتۇستىك كورەيا شەكارالىق ىرىكتەلگەن اسكەري بولىمدەردى ارالاپ كوردى. سول كۇنى كەشتە سەۋىلگە قايتىپ كورەيا پرەمەر-مينيسترىمەن كەزدەستى. ال بۇگىنگى جوسپارىندا وڭتۇستىك كورەيا ساپارىن اياقتاپ جاپونياعا جول الماق.

The Qazaq Times