كەشە، 14 شىلدە سارسەنبىدە ءۇندىستاننىڭ سىرتقى ىستەر مينيسترلىگى مالىمدەمە جاساپ، ءۇندىستان مەن قىتاي اراسىندا بىلتىر كەلىسىم جاسالعانىمەن گيمالاي تاۋىنىڭ باتىسىنداعى شەكارا شيەلەنىسى ءالى دە جالعاسىپ جاتقانىن ءبىلدىردى. ءارى، ءۇندىستان قىتايعا قاراتا شيەلەنىستىڭ جالعاسۋى قوس تاراپتىڭ مۇددەسىنە سايكەس كەلمەيتىنىن ايتقان.

Reuters اقپاراتتىق اگەنتتىگىنىڭ حابارىنا قاراعاندا، بىلتىر  جىل سوڭىنداعى ەكى تاراپتىڭ اسكەري قولباسشىلارى اراسىندا كەلىسىم جاسالعانىنا قاراماستان جايشانكار سەكىلدى بىرقاتار تاۋلى شەكارالاردا شيەلەنىس جالعاسىپ كەلەدى.

بىلتىر ۇزاق  ۋاقىت اسكەري تىرەسۋدەن كەيىن  قىتاي مەن ءۇندىستاننىڭ  جوعارى اسكەري شەندىلەرى 9 راۋندتىق كەلىسسوز وتكىزگەن. ونىڭ ناتيجەسى بويىنشا ەكى تاراپ پاڭگوڭ كولى ماڭىنان ون مىڭداعان اسكەرلەرىن كەرى قايتارىپ،  اۋىر اسكەري تەحنيكالارىن الىپ كەتكەن ەدى.

ءۇندىستان ءسىم تارابى مالىمدەمەسىندە: "قايشىلىقتىڭ جالعاسۋى ەكى ەلدىڭ دە مۇددەسىنە سايكەس كەلمەيدى،  بۇل تۋرالى بىلتىرعى كەلىسىمدە دە كوبىرەت ايتىلعانىن ەسكە سالامىز. جاعدايدىڭ بۇلاي جالعاسۋى ەكى ەل قاتىناسىنا كەرى اسەر ەتەدى",  - دەگەن.

مالىمدەمە مازمۇنىنا قاراعاندا،  ءۇندىستان تارابى ەكى ەلدىڭ شيەلەنىستى شەشۋ ءۇشىن ورتاق ىزدەسىن قالايتىنىن كورسەتەدى. ازياداعى ەكى الىپ ەل اراسىنداعى شەكارا جانجالى ۇنەمى قايتالانىپ كەلەدى. بىلتىر ماۋسىمداعى قاقتىعىستا قوس تاراپتان دا ونداعان اسكەر قازا تاپقان بولاتىن.

"The Qazaq Times"