الماتى قالاسىندا CoronaVac جانە Hayat-Vax ۆاكتسينالارى تاۋسىلدى، سونداي-اق باسقارما پرەزيدەنت توقاەۆ دەرەۋ جەتكىزۋگە تاپسىرما بەرگەن امەريكالىق Pfizer ەكپەسىنىڭ قاشان قولجەتىمدى بولارىن بىلمەيدى.
دۇيسەنبى كۇنگى الماتى قالاسىنىڭ قوعامدىق دەنساۋلىق ساقتاۋ باسقارماسى باسشىسى ناريمان تابىنباەۆ وڭىرلىك كوممۋنيكاتسيالار قىزمەتىندە وتكەن بريفينگتە قولدا بار ءارى «يممۋندىق قورعانىسى كۇشتى» دەگەن رەسەيلىك جانە قازاقستاندىق ۆاكتسينالاردى سالدىرعان ءجون دەيدى.
«1 اقپان مەن 11 شىلدە ارالىعىندا 585 116 ادام ەكپەنىڭ العاشقى دوزاسىن الىپ ۇلگەردى. وتكەن كۇنى 9 418 ادام ەگىلدى. قالادا 212 ۆاكتسيناتسيا پۋنكتى جۇمىس ىستەپ تۇر. 1 260 ادامنان تۇراتىن 308 ەگۋ بريگاداسى جۇمىلدىرىلدى. قالادا ۆاكتسينا قورى جەتكىلىكتى»، – دەدى تابىنباەۆ.
ددسۇ «سپۋتنيك V» جانە QazVac ەكپەسىن ماقۇلداماسا دا، دەنساۋلىق ساقتاۋ مينيسترلىگى، سانيتارلىق قاۋىپسىزدىك وگراندارى، ەپيدەميولوگتار بەكىتكەنىن العا تارتتى.
قالانىڭ باس سانيتار-دارىگەرى جانداربەك بەكشيننىڭ دەرەگىنشە، كۇن سايىن شامامەن 10-16 مىڭ ادام ەگىلىپ جاتىر. اقش-گەرمانيا ىنتىماقتاستىعى بويىنشا دايىندالعان Pfizer ەكپەسى الماتىلىقتار ءۇشىن قاشان قولجەتىمدى بولادى دەگەن ماسەلە كوتەرىلدى.
«پرەزيدەنت سۇرانىس كوپتىگىنە بايلانىستى Pfizer ەكپەسىن جەتكىزۋدى جەدەلدەتۋدى تاپسىردى. كەلەتىن مەرزىمى مەن كولەمى جونىندە ناقتى دەرەك بەلگىسىز. ەلگە كەلىپ جاتسا، ارينە، الدىڭعى قاتاردا الۋعا تىرىسامىز. بىراق ازىرگە مۇنداي مالىمەت جوق»، – دەدى تابىنباەۆ رەداكتسيا ءتىلشىسىنىڭ قويعان ساۋالىنا.
باسقارما باسشىسى دەنساۋلىق ساقتاۋ مينيسترلىگىنىڭ الدا ءالى ناۋقاستار سانى كوبەيۋى مۇمكىن دەگەن بولجامىن اتاپ ءوتتى.
بۇگىنگە دەيىن قالادا جۇمىس ىستەپ تۇرعان 3700 ورىننىڭ 43%-ى تولىپ كەلگەن.
«دۇيسەنبىدە جاڭا بۇيرىقپەن ستاتسيونارلارداعى سىيىمدىلىق 5060 ورىنعا دەيىن ۇلعايتىلدى. قازىرگى كەزدە ورىننىڭ 34%-ىندا ناۋقاستار ەم الىپ جاتىر. ءبىرىنشى ەشالوندا 2400 ورىندى قامتيتىن ينفەكتسيالىق اۋرۋحانالار جۇمىس ىستەپ تۇر. رەزەرۆ كلاسقا ۇلتتىق عىلىمي فتيزيوپۋلمونولوگيا ورتالىعى، حالىق ارەنا ستاديونى، پسيحيكالىق ساۋىقتىرۋ ورتالىعى ەندى، ال ەرتەڭنەن باستاپ جەدەل شۇعىل كومەك كورسەتۋ اۋرۋحاناسى (ورىسشا – گبسنپ), سونداي-اق جەكە كلينيكالار قوسىلعالى جاتىر»، – دەپ تولىقتىردى.
رەانيماتسيادا جاتقان ناۋقاستار قاتارى كەيىنگى ون كۇندە 51-دەن 121-گە دەيىن ارتقان. 11 شىلدەدە، دەمالىس كۇنىنىڭ وزىندە 638 ادامنان كوروناۆيرۋس انىقتالعان. بۇگىندە جۇقپالى اۋرۋلارعا ارنالعان ستاتسيونارلاردا 1724 ادام، ونىڭ ىشىندە 143 بالا ەمدەلىپ جاتىر. جىل باستالعالى 60 مىڭنان اسا الماتىلىق اۋىرعان.
الماتى وبل پركۋراتۋراسى. بەلسەندىلەر: «جالعان جالامەن قاماۋداعى ايگەرىم مەن دۋمانعا بوستاندىق!»
ارمان الىمبەكوۆ: مەن ول جەردىڭ رەزيدەنتسيا ەكەنىن بىلمەدىم. ەشنارسە بۇلدىرمەدىم.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى
رەزيدەنتسيا ءىسى. ورىنعازى سەرىكبول: بەيبىت شەرۋگە شىقتىم. ال، 269 باپتى مويىندامايمىن
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى