نەمىس ءمينيسترى ەردوعانعا "قىزىل سىزىقتان" اسپاۋدى ەسكەرتتى

گەرمانيا سىرتقى ىستەر ءمينيسترى تۇركيا پرەزيدەنتىنىڭ گەرمانيا كانتسلەرىنە قارسى ايتىلعان ۋاجدەرىن سىنعا الىپ، وعان ەسكەرتۋ جاسادى دەپ حابارلادى "فارس" ءباسپاسوزى.

France Press اقپارات اگەنتتىگىنىڭ حابارلاۋىنشا، گەرمانيا سىرتقى ىستەر ءمينيسترى زيگمار گابريەل جەكسەنبى كۇنى تۇركيا پرەزيدەنتى رەجەپ تايپ ەردوعاننىڭ گەرمانيا كانتسلەرى انگەلا مەركەلگە قارسى ايتقان ۋاجدەرىنە رەاكتسيا ءبىلدىرىپ: "رەجەپ تايپ ەردوعان سوزىنە اباي بولىپ، ءوزىنىڭ شەگىن ءبىلسىن",- دەپ، ەردوعانعا «قىزىل سىزىقتاردان» اسىپ كەتپەۋگە كەڭەس بەردى.

تۇركيا پرەزيدەنتى سەنبى كۇنى ىستامبۇلدا ايتقان سوزىندە گەرمانيا كانتسلەرى انگەلا مەركەلدى ناتسيستىك تاسىلدەردى پايدالانادى دەپ ايىپتاعان بولاتىن.

گەرمانيا مەن نيدەرلاند ۇكىمەتتەرى ەۋروپادا ەلدەرىندەگى تۇرىك ازاماتتارىنىڭ، تۇركيا كونستيتۋتسياسىنا وزگەرىستەر ەنگىزۋگە بايلانىستى رەفەرەندۋم جايلى ۇگىت-ناسيحات جۇرگىزۋگە تىيىم سالعاننان كەيىن، انكارا جانە بەرلين مەن امستەردام اراسىنداعى تەكە-تىرەس ارتا ءتۇستى.

“The Qazaq Times”