ۋكراينانىڭ مادەنيەت جانە اقپاراتتىق ساياسات مينيسترلىگى رەسەيدىڭ 200-دەن استام مادەنيەت قايراتكەرلەرىن ۇلتتىق قاۋىپسىزدىككە قاتەر توندىرەتىن ادامدار تىزىمىنە ەنگىزدى.

بۇل ۇسىنىستى ۋكراينانىڭ قاۋىپسىزدىك قىزمەتى بىلدىرگەن. اتالعان تىزىمگە ەنگەندەر قاتارىندا رەسەيلىك ءانشى فيليپپ كيركوروۆ، دجوزەف كوبزون، ۆالەنتين گافت بار.

رەسەيدىڭ، ۋكراينانىڭ جانە مولدوۆانىڭ حالىق ءارتىسى فيليپپ كيركوروۆ ءوز مالىمدەمەسىندە ەلدىڭ قازىرگى پرەزيدەنتى ۆلاديمير زەلەنسكيمەن ءبىر ساحنادا ونەر كورسەتكەن «اجىراماس ارىپتەس» ەكەنىن ايتقان.

ۋكراينا مادەنيەت مينيسترلىگىنىڭ بۇل شەشىمى رەسەي بيلىگىنىڭ اگرەسسيالىق ساياساتىنا قارسى قولدانىلىپ وتىر. 2014 جىلى ماسكەۋ ۋكرايناعا تيەسىلى قىرىم تۇبەگىن جاۋلاپ العان. رەسەي سونىمەن بىرگە ۋكراينا شىعىسىنداعى سەپاراتيستەرگە دەم بەرىپ، قولداۋ كورسەتىپ كەلەدى. ۋكراينا شىعىسىنداعى قاقتىعىس كەزىندە 13 200-دەن استام ادام قازا تاپقان. سول ۋاقىتتان بەرى ۋكراينا رەسەيلىك بىرنەشە باعدارلامالاردان باس تارتىپ، مادەنيەت قايراتكەرلەرىن قارا تىزىمگە ەنگىزىپ كەلەدى.

"The Qazaq Times"