شۋ ءوزەنىنىڭ جاعاسى تالاپقا ساي بەكىتىلمەگەندىكتەن قىرعىزستان 800 گەكتار جەرىنەن ايرىلدى. بۇل تۋرالى تءوتەنشە جاعدايلار ءمينيسترى بووبەك اجيكەەۆ مءالىمدەدى. بۇل تۋرالى ورتالىق ازيا جاڭالىقتار قىزمەتى جازدى.
"قىرعىزستان مەن قازاقستاننىڭ شەكاراسىن انىقتاپ تۇرعان شۋ وزەنىنىڭ جيەگىندە دامبالاردىڭ جوقتىعىنان، داريانىڭ جاعاسىن سۋ شايىپ، ونىڭ ارناسى جىل ساناپ قىرعىزستان اۋماعىنا كىرىپ جاتىر. قازىر جۇمىس بەلسەندى ءجۇرىپ جاتىر. پرەزيدەنت سادىر جاپاروۆتىڭ جەكە باقىلاۋىندا", - دەدى اجيكەەۆ.
بىلتىر ناۋرىز ايىندا شۋدىڭ كەمين اۋدانىندا چىم-كورگون اۋىلىنىڭ بىرقاتار تۇرعىندارى شۋ وزەنىنىڭ ارناسى بۇزىلىپ، شەكارا سىزىعى وزگەرگەنىن ايتىپ شىعامدانعان.
سول كەزدە قىرعىزستاننىڭ مەملەكەتتىك شەكارا قىزمەتى چىم-كورگونعا جاقىن شۋ وزەنى ارقىلى وتكەن قىرعىز-قازاق شەكارا سىزىعى ورنىندا تۇرعانىن ايتىپ، جەرگىلىكتى تۇرعىنداردىڭ "سۋ ارناسى بۇرىلىپ، جەر تەلىمى قازاقستانعا ءوتىپ كەتتى" دەگەن مالىمەتتى تەرىسكە شىعارعان.
قىرعىز-قازاق شەكاراسىنىڭ بىرقاتار بولىگى شۋ وزەنىن بويلاپ وتەدى. ەكى تاراپتىڭ شەكارا سىزىعىنىڭ جالپى ۇزىندىعى 1257 شاقىرىم. شەكارانى دەماركاتسيالاۋ تۋرالى كەلىسىمگە 2017 جىلدىڭ 25 جەلتوقسانىندا قول قويىلعان.
اقش «تاساداعى فلوتقا» توسقاۋىل قويدى: Olina تانكەرى جانە تەڭىزدەگى جاڭا سانكتسيالىق سوعىس
اتىراۋداعى جۇمباق جوعالۋ مەن ادام ءولىمى: ءىز-ءتۇزسىز ارتىلعان وتباسى، پوليتسيا تەرگەۋى جانە قوعام رەاكتسياسى
ايزات جۇمانوۆانىڭ ءولىمى: بۇگىن ۇكىم وقىلدى، ايىپتالۋشى 14 جىلعا سوتتالدى
ۋكراينا سوعىس جاعدايىنداعى باسقارۋ مودەلىن قايتا قالىپتاستىرۋدا: بۋدانوۆ پرەزيدەنت كەڭسەسىنە كەلدى
يەمەن سوعىسىنىڭ جاڭا كەزەڭى: وڭتۇستىكتەگى قاقتىعىس جانە ايماقتىق دەرجاۆالاردىڭ ويىنى
قاعازداعى پاتسيەنتتىڭ ومىردەگى جاعدايى: ءۇنسىز ءارى الپاۋىت ەپيدەمياعا قارسى كۇرەستە قازاقستاندىق ابب-نىڭ قاۋقارى مەن كەمشىلىگى