يتاليانىڭ بىرنەشە قالالارىندا مىڭداعان ادام بەيبىت شەرۋگە جينالىپ، ستاديون، كينو جانە وزگە دە قوعامدىق ورىندارعا كىرگەن كەزدە تالاپ ەتىلەتىن «جاسىل رۇقسات قاعازىنا» نارازىلىق ءبىلدىردى.
Repubblica گازەتىنىڭ مالىمەتىنشە، ريمدە ءۇش مىڭ، ميلانداعى شەرۋگە مىڭعا جۋىق ادام قاتىستى. جالپى مۇنداي اكتسيالار يتاليانىڭ 80-نەن استام قالاسىندا ءوتتى. شەرۋشىلەر كارانتين شەكتەۋلەرىنە عانا ەمەس، كوۆيد-تولقۇجاتتىڭ ەنگىزىلۋىنە دە نارازى. اتالعان قۇجاتتى «قۇلدىق كۋالىگى» دەپ اتاعان نارازى توپ اراسىندا ۆاكتسيناتسياعا قارسىلار، سونداي-اق ۋلترا وڭشىل كۇشتەردىڭ وكىلدەرى بولدى.
نەگىزىنەن يتاليادا تۇرعىندار ۆاكتسيناتسيا ناۋقانىندا ايتارلىقتاي بەلسەندى. ەرەسەكتەردىڭ 2/3 بولىگى ۆاكتسينانىڭ ءبىرىنشى دوزاسىن قابىلدادى. 12 جاستان اسقانداردىڭ جارتىسىنان كوبى ەكپە العان.
ەۋروپادا ەنگىزىلگەن كوۆيدتىك سەرتيفيكات وسى ۋاقىتقا دەيىن ساياحاتتاۋ ءۇشىن قولدانىلىپ كەلدى. قۇجاتتى بارلىق تۇرعىندار ءۇشىن مىندەتتەۋ 6 تامىزدان باستاپ قاراستىرىلعان. سول سەبەپتى ەۋروپانىڭ بىرنەشە ەلىندە تولقۇجاتتى مىندەتتەۋگە قارسى شەرۋلەر ءوتىپ جاتىر.
يرانداعى قانتوگىس پەن سىرتقى قىسىم: ترامپتىڭ ەكىۇشتى سيگنالى
كونستيتۋتسيا تاعى وزگەرمەك: رەفورما ما، الدە بيلىكتى قايتا قۇراستىرۋ ما؟
اقش «تاساداعى فلوتقا» توسقاۋىل قويدى: Olina تانكەرى جانە تەڭىزدەگى جاڭا سانكتسيالىق سوعىس
اتىراۋداعى جۇمباق جوعالۋ مەن ادام ءولىمى: ءىز-ءتۇزسىز ارتىلعان وتباسى، پوليتسيا تەرگەۋى جانە قوعام رەاكتسياسى
ايزات جۇمانوۆانىڭ ءولىمى: بۇگىن ۇكىم وقىلدى، ايىپتالۋشى 14 جىلعا سوتتالدى
ۋكراينا سوعىس جاعدايىنداعى باسقارۋ مودەلىن قايتا قالىپتاستىرۋدا: بۋدانوۆ پرەزيدەنت كەڭسەسىنە كەلدى