بەلارۋس پرەزيدەنتتىگىنە ۇمىتكەر بولعان سۆەتلانا تيحانوۆسكايا سەناتتا بايانداما وقۋ ءۇشىن اقش-قا شاقىرىلدى. بۇل تۋرالى ونىڭ Telegram ارناسى حابارلادى.
بۇعان دەىن تيحانوۆسكايا تاۋەلسىز باق پەن ازاماتتىق قوعامدى قولدايتىن Belarus Democracy Act-ءتى قابىلداعانى ءۇشىن اقش-قا العىس ءبىلدىردى. ول سەناتورلارمەن تاۋەلسىز مەديا – Hrodna, TUT.by, «بەلسات» جانە جۋرناليستەرگە بيلىك تاراپىنان جاسالعان قىسىمدى تالقىلاعان. تيحانوۆسكايا سونىمەن قاتار بەلارۋستەگى «ازاتتىق راديوسى» قىزمەتىنە قولداۋ كورسەتۋدى جانە «امەريكا داۋىسى» رەداكتسياسىن ىسكە قوسۋدى ۇسىندى. ءوز كەزەگىندە اقش تاراپى بەلارۋستەگى ازاماتتىق قوعامدى قولداپ، دەموكراتياعا قايشى ارەكەت ەتىپ وتىرعان بيلىككە سانكتسيا ەنگىزۋگە دايىن ەكەنىن ايتتى.
بىلتىر تامىزدا وتكەن پرەزيدەنت سايلاۋىندا ەلدى 26 جىلداي باسقارعان لۋكاشەنكو جەڭىمپاز دەپ تانىلعان سوڭ ەلدە جاپپاي نارازىلىق باستالعان. تيحانوۆسكايا سايلاۋ ناتيجەسىمەن كەلىسپەي جۇرتتى نارازىلىققا شاقىرعان ەدى. بەلارۋس رەجيمى تامىزدا وتكەن ميتينگىلەردى باسىپ-جانشىپ، وتىز مىڭداي ادامدى ۇستاعان.
اقش جانە باتىس ەلدەرى لۋكاشەنكونى پرەزيدەنت دەپ مويىنداماعان. ال وپپوزيتسيا سايلاۋدا تيحانوۆسكايا جەڭىسكە جەتتى دەپ سانايدى. تيحانوۆسكايا جەكە قاۋىپسىزدىگى ءۇشىن ليتۆاعا كەتىپ قالعان.
بەلارۋس وپپوزيتسياسى 26 مامىرداعى مالىمدەمەسىندە «زاڭسىز رەجيمنىڭ كەسىرىنەن بەلارۋس الەم كارتاسىندا قارا داققا اينالدى»، «بۇل بيلىك تولىق يزولياتسيانىڭ الدىندا تۇر، سوندىقتان تەرروردى توقتاتۋىمىز كەرەك، كۇتەتىن ۋاقىت جوق» دەگەن.
ۋكراينا سوعىس جاعدايىنداعى باسقارۋ مودەلىن قايتا قالىپتاستىرۋدا: بۋدانوۆ پرەزيدەنت كەڭسەسىنە كەلدى
يەمەن سوعىسىنىڭ جاڭا كەزەڭى: وڭتۇستىكتەگى قاقتىعىس جانە ايماقتىق دەرجاۆالاردىڭ ويىنى
قاعازداعى پاتسيەنتتىڭ ومىردەگى جاعدايى: ءۇنسىز ءارى الپاۋىت ەپيدەمياعا قارسى كۇرەستە قازاقستاندىق ابب-نىڭ قاۋقارى مەن كەمشىلىگى
الماتىدا جاڭا زاماناۋي كىتاپحانا اشىلدى
ŞAM تەاترىنىڭ كينوەكسپەريمەنتى: «№37» قويىلىمى فيلمگە اينالدى
ەرتاەۆ قايتا قامالعان كۇز: راقىمشىلىق «زاڭسىزدىق جارمەڭكەسىنە» اينالدى ما؟