Сүрия президент сайлауын өткізуге дайындалуда. Бұл елдегі азаматтық соғыс басталғаннан бергі екінші рет өткелі жатқан ауқымды саяси науқан. Сүрия билігі елдің барлық провинцияларында сайлау учаскелері ашылғанын хабарлады. 

Қазіргі президент Башар Асад елді жиырма жылға жуық уақыт басқарып келеді. Азаматтық соғыс кезінде оның билігі өзіне қарсы оппозция жетекшілерін қудалап, қинауға алды деп те айыпталған болатын.

Кезекті сайлауда Башар Асадқа қарсылас ретінде "Демократиялық оппозиция шебінің" жетекшісі Махмуд Ахмед және бұрынғы социалистика партияның депутаты Абдолла Салм қатарлылар аталуда. Алайда, сарапшылар бұл жолы да Башар Асад билікте қалады деп санайды.

Бұдан тура он жыл бұрын сириялықтар Башар Асад билігіне наразылық білдіріп, демократиялық талаптармен көшеге шыққан болатын. Оның нәтижесі азаматтық соғысқа алып келді. Бұдан пайдаланған террорлық топтар да Сүрия жерлерінде "Ислам мемлекетін" құруға тырысты.

Он жылға жалғасқан соғыс былтыр наурыз айында ғана толастады. Ресейдің қолдауына ие болған Башар Асад Сүрияның түгелге жуық аумағына қайта билік орнатқан.

“The Qazaq Times”