اقش اۋعانستاننان اسكەر شىعارۋ پروتسەسىنىڭ تورتتەن ءبىرىن ورىنداپ بولدى

اقش اۋعانستاننان اسكەري شەگىندىرۋ پروتسەسىنىڭ تورتتەن ءبىرىن تولىق ورىنداپ بولعانىن مالىمدەدى. بۇل تۋرالى قۇراما شتاتتاردىڭ ورتالىق قولباسشىلىق شتابى 25 مامىردا رەسمي مالىمدەمە جاسادى. 

ورتالىق قولباسشىلىق شتابى تاراتقان مالىمەتتە، اۋعانستاننان  160 C-17 اسكەري تاسىمال ۇشاعىنان جونەلتىلىپ، 10 000-نان استام قۇرال-جابدىق قورعانىس لوگيستيكالىق اگەنتتىگىنە وڭدەۋگە بەرىلگەن.

جو بايدەن اۋعانستاننان اقش اسكەرىن 11 قىركۇيەككە دەيىن شىعارىپ كەتۋ تۋرالى شەشىمىن جاريالاعان ۋاقاتتا، اۋعان جەرىندە 2500 امەريكالىق اسكەري قىزمەتكەر بار بولاتىن. جالپى شەتەلدىك كواليتسيا قۇرامىندا 10 مىڭنان استام جاۋىنگەر بار ەدى.

قۇراما شتاتتار تارابى اۋعانستاننان قارۋلى كۇشتەرىن شەگىندىرەتىنىن مالىمدەگەننەن كەيىن، ناتو ۇيىمى دا ەلدەگى اسكەرىن الىپ كەتەتىنىن جاريا ەتتى.

بايدەن شەشىمى بويىنشا 11 قىركۇيەك كۇنى اۋعانستاندا اقش اسكەرى قالمايتىن بولادى. الايدا، اقش اسكەرىنىڭ كەرى شەگىنۋى اۋعانستانداعى ىشكى قاقتىعىستاردىڭ قاۋپىن كۇشەيتىپ جاتىر. وسىعان دەيىن اقش قولداۋىنا سۇيەنىپ كەلگەن اۋعانستاندىق قاۋىپسىزدىك كۇشتەرى تالىپتەردىڭ قاۋىپتى شابۋىلدارىنا تۇس كەلۋدە. ىشكى قاقتىعىستار اقش اسكەرى كەتپەي جاتىپ باستالۋدا.

“The Qazaq Times”