بەلارۋس اۋە قاتىناسىن توقتاتۋ تۋرالى شەشىم قابىلداعان ۋكرايناعا نارازىلىق نوتاسىن جولدادى.
وسى اپتادا ۋكراينا ليتۆا، ۇلىبريتانيا جانە فرانتسيادان كەيىن بەلارۋسپەن اۋە قاتىناسىن توقتاتاتىنىن حابارلادى. شەشىم 26 مامىردان باستاپ كۇشىنە ەنەدى. ۋكرايناداعى بەلارۋس ەلشىلىگى كيەۆتىڭ رەسپۋبليكامەن اۋە قاتىناسىنا تىيىم سالۋ تۋرالى شەشىمىن ابسۋرد دەپ سانايدى.
بۇعان دەيىن فرانتسيا بەلارۋستىڭ «بەلاۆيا» مەملەكەتتىك اۆياكومپانياسىنىڭ ەلگە ۇشۋعا رۇقساتىن قايتارىپ العان بولاتىن. «بەلاۆيا» ءۇش ەلگە – ۇلىبريتانيا، فرانتسيا جانە ليتۆاعا رەيستەردىڭ توقتاتىلعانى تۋرالى حابارلادى.
سونىمەن بىرگە اۆستريالىق Austrian Airlines, Finnair, فرانتسيانىڭ Air France, سكانديناۆيالىق SAS, كيپرلىك Avia Solutions, پولشانىڭ LOT, ۆەنگريانىڭ Wizzair, گەرمانيانىڭ Lufthansa, گوللانديالىق KLM جانە لاتۆيالىق AirBaltic, سينگاپۋرلىق Singapore Airlines جانە باسقا دا الەمدىك اۆياكومپانيالار دا ۇشۋدى توقتاتتى.
كەشە ەۋروپالىق وداق سامميتىندە ونىڭ باسشىلارى بەلارۋس اۆياكومپانيالارىنا ەۋروپالىق اۋەجايلارعا قونۋعا تىيىم سالىپ، ەل اۋماعىنىڭ ۇستىنەن ۇشۋدى توقتاتقان. سونداي-اق جەكە جانە زاڭدى تۇلعالارعا قاتىستى سانكتسيالار ەنگىزدى.
23 مامىردا Ryanair اۋە كومپانياسىنىڭ گرەكيادان ليتۆاعا بارا جاتقان رەيسى كەنەتتەن باعىتىن وزگەرتىپ، مينسكىگە قونۋعا ءماجبۇر بولدى. بەلارۋس بيلىگى ارنايى اسكەري ۇشاق جىبەرىپ، رەيستە بومبا بولۋى مۇمكىن دەپ حابارلاپ، ۇشاقتى مينسكىگە بۇرعان. بورتتان بومبا تابىلمادى، ەسەسىنە بەلارۋس پوليتسياسى ۇشاقتا بولعان وپپوزيتسيالىق جۋرناليست، NEXTA Live تەلەگرام كانالىن قۇرۋشىلاردىڭ ءبىرى رومان پروتاسەۆيچتى تۇتقىندادى. بۇل حالىقارالىق دارەجەدە داۋ تۋعىزدى.
ءبىز رەسەيدىڭ گۋبەرنياسى ەمەسپىز! سوۆەت تۋىن جۇلىپ العانى ءۇشىن قامالعان ازامات شىقتى
شوقپار اۋىلىنداعى ۋران قاتەرى. اكىم جوققا شىعارادى. تۇرعىندار رادياتسيا دەپ ۇرەيلەنەدى
قاندى قاڭتار سوتى. بەس جىلعا سوتتالعان ارتىقباەۆ ەشقانداي دالەل جوق دەپ ۇكىممەن كەلىسپەيدى
الماتى وبل پركۋراتۋراسى. بەلسەندىلەر: «جالعان جالامەن قاماۋداعى ايگەرىم مەن دۋمانعا بوستاندىق!»
ارمان الىمبەكوۆ: مەن ول جەردىڭ رەزيدەنتسيا ەكەنىن بىلمەدىم. ەشنارسە بۇلدىرمەدىم.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى