ەۋرووداق بەلارۋسكە سانكتسيا سالۋ تۋرالى شەشىم شىعاردى. ەندى بەلارۋسقا قاراستىرىلعان 3 ميلليارد ەۋرو كولەمىندە ينۆەستيتسيالىق جانە ەكونوميكالىق كومەك كورسەتىلمەيدى.
بۇعان دەيىن ەۋروپا ۇشاقتارىن بەلارۋس اۋە كەڭىستىگىنىڭ ۇستىمەن ۇشىرماۋ تۋرالى شەشىم قابىلداعان. سانكتسيا كۇشىنە ەنگەننەن باستاپ بەلورۋس اۆياتسياسىنا وداقتىڭ 27 مەملەكەتىنىڭ اۋە كەڭىستىگىن پايدالانۋعا تىيىم سالىنادى.
ەۋروكوميسسيا توراعاسى ۋرسۋلا فون دەر ليايەن: «بەلارۋس بيلىگى ءوزىنىڭ اۋە كەڭىستىگىن ۇشاقتى ايداپ اكەتۋ ءۇشىن قولداندى. سول سەبەپتى بۇل ەلدىڭ اۋە كەڭىستىگى ارقىلى ۇشاقتار بۇدان بىلاي قاۋىپسىز ۇشا الاتىنىنا كۇمان بار. وسىعان بايلانىستى ەۋرووداق كەڭەسى بەلارۋس ۇشاقتارىنا وداققا مۇشە مەملەكەتتەردىڭ اۋە كەڭىستىگىن پايدالانۋىنا جانە اۋەجايلارىنا قونۋىنا تىيىم سالىپ وتىر»، – دەدى.
23 مامىردا Ryanair اۋە كومپانياسىنىڭ گرەكيادان ليتۆاعا بارا جاتقان رەيسى كەنەتتەن باعىتىن وزگەرتىپ، مينسكىگە قونۋعا ءماجبۇر بولدى. بەلارۋس بيلىگى ارنايى اسكەري ۇشاق جىبەرىپ، رەيستە بومبا بولۋى مۇمكىن دەپ حابارلاپ، ۇشاقتى مينسكىگە بۇرعان. بورتتان بومبا تابىلمادى، ەسەسىنە بەلارۋس پوليتسياسى ۇشاقتا بولعان وپپوزيتسيالىق جۋرناليست، NEXTA Live تەلەگرام كانالىن قۇرۋشىلاردىڭ ءبىرى رومان پروتاسەۆيچتى تۇتقىندادى.
بۇل حالىقارالىق دارەجەدە داۋ تۋعىزدى. باتىس ەلدەرى بەلارۋس بيلىگىنىڭ ارەكەتىن ايىپتاپ، ءجۋرناليستى بوساتۋدى تالاپ ەتتى. سونىمەن قاتار لاتۆيا ۇشاقتارىن بەلارۋس ۇستىمەن ۇشىرمايتىنىن مالىمدەگەن. ۋكراينا پرەزيدەنتى ۆلاديمير زەلەنسكي دە ۇكىمەتكە بەلارۋسپەن اۋە رەيستەرىن توقتاتۋدى جانە بۇل ەلدىڭ توبەسىمەن ۇشاق ۇشىرۋعا تىيىم سالۋدى تاپسىردى.
ال قازاقستاندىق Air Astana اۋە كومپانياسى الماتىدان مينسكىگە تىكەلەي رەيس ۇشىرۋدى كەيىنگە قالدىردى.
ءبىز رەسەيدىڭ گۋبەرنياسى ەمەسپىز! سوۆەت تۋىن جۇلىپ العانى ءۇشىن قامالعان ازامات شىقتى
شوقپار اۋىلىنداعى ۋران قاتەرى. اكىم جوققا شىعارادى. تۇرعىندار رادياتسيا دەپ ۇرەيلەنەدى
قاندى قاڭتار سوتى. بەس جىلعا سوتتالعان ارتىقباەۆ ەشقانداي دالەل جوق دەپ ۇكىممەن كەلىسپەيدى
الماتى وبل پركۋراتۋراسى. بەلسەندىلەر: «جالعان جالامەن قاماۋداعى ايگەرىم مەن دۋمانعا بوستاندىق!»
ارمان الىمبەكوۆ: مەن ول جەردىڭ رەزيدەنتسيا ەكەنىن بىلمەدىم. ەشنارسە بۇلدىرمەدىم.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى