استاناعا بەردىمۇحامەدوۆ كەلە جاتىر

استاناعا 12 اقپاندا 97,69 پايىز داۋىس جيناعان تۇركىمەنستان پرەزيدەنتى گۋربانعۇلى بەردىمۇحامەدوۆ كەلە جاتىر.

بۇل تۋرالى تۇركىمەنستان سىرتقى ىستەر ءمينيسترى راشيد مۇرادوۆ وسى ەل پرەزيدەنتىنىڭ 18 ساۋىردە استاناعا ساپار شەگەتىنىن حابارلاپ: «تۇركىمەنستان پرەزيدەنتىنىڭ قازاقستانعا الداعى ساپارى اشحاباد پەن استانا اراسىنداعى بايلانىستاردا جاڭا كەزەڭ قالىپتاستىرادى» - دەدى.

جوسپار بويىنشا قازاقستان مەن تۇركىمەنستان پرەزيدەنتتەرى ايماقتىق جانە حالىقارالىق ماڭىزدى ماسەلەلەردى قاراستىرادى. اشحاباد پەن استانا اراسىنداعى تاۋار اينالىمىنىڭ كولەمى 2015 جىلى 178 ميلليون دوللاردان اسقان.

“The Qazaq Times”