بۇگىن وتىز كۇن ورازا ۇستاعان بارشا مۇسىلماننىڭ ورازا ايت مەرەكەسى. يسلام كۇنتىزبەسى بويىنشا ءشاۋال ايىنىڭ العاشقى كۇنىنە تۋرا كەلەتىن بۇل مەرەكە ءبىر اي ورازا ۇستاعان جاماعاتتىڭ يگىلىك پەن باقىت،راحىمعا جەتكەنىنىڭ بەينەسى ىسپەتتى اتالىپ وتىلەدى. سونداي-اق، بۇل مۇسىلماندار ءۇشىن ورازا ۇستاۋعا تىيىم سالىنعان كۇن.
بەيسەنبى، 13 مامىر تاڭەرتەڭ قازاقستان مەشىتتەرىندە ورازا ايت نامازى وقىلدى. ەكىنشى جىلعا جالعاسقان كوروناۆيرۋس پاندەمياسىنىڭ كارانتيندىك شەكتەۋى سەبەپتى ناماز مەشىتتەر اۋلاسىندا وقىلدى. بىلتىر مۇلدە تىيىم سالىنعان ەدى. اپتا باسىندا قازاقستاننىڭ مۇسىلماندار ءدىني باسقارماسى وسىنداي شەشىم قابىلداعان. شارت بويىنشا ۇجىمدىق عيباداتقا جينالعان جۇرت مەديتسينالىق بەتپەردە تاعىپ كەلۋگە مىندەتتەلگەن.
ورازا ايت نامازى الماتى قالاسىندا تاڭعى 6.10-دا، ال استانادا 7.00-دە وقىلدى. مۇسىلمان الەمى قاسيەت تۇتاتىن بيىلعى رامازان ايى ەلدە 13 ساۋىردە باستالعان.
مەرەكەگە وراي ەلىمىزدەگى جانە الەمدەگى بارشا مۇسىلمان جۇرتشىلىعىن ورازا ايت كۇنىمەن قۇتتىقتايمىز! ۇستاعان ورازالارىڭىز بەن تىلەگەن دۇعا-تىلەكتەرىڭىز قابىل بولسىن! جەر بەتىندە بەيبىتشىلىك سالتانات قۇرىپ، بار ادامزات ءزاۋزاتى ىنتىماقتا عۇمىر كەشسىن! سانالى ادام بالاسى تابيعاتتى ايالاپ، جەر انانىڭ ايالى الاقانىندا ۇيلەسىممەن ۇندەستىكتە ءومىر سۇرەلىك! ادىلدىك جاساسىن، اقيقات قانات جايسىن!
يرانداعى قانتوگىس پەن سىرتقى قىسىم: ترامپتىڭ ەكىۇشتى سيگنالى
كونستيتۋتسيا تاعى وزگەرمەك: رەفورما ما، الدە بيلىكتى قايتا قۇراستىرۋ ما؟
اقش «تاساداعى فلوتقا» توسقاۋىل قويدى: Olina تانكەرى جانە تەڭىزدەگى جاڭا سانكتسيالىق سوعىس
اتىراۋداعى جۇمباق جوعالۋ مەن ادام ءولىمى: ءىز-ءتۇزسىز ارتىلعان وتباسى، پوليتسيا تەرگەۋى جانە قوعام رەاكتسياسى
ايزات جۇمانوۆانىڭ ءولىمى: بۇگىن ۇكىم وقىلدى، ايىپتالۋشى 14 جىلعا سوتتالدى
ۋكراينا سوعىس جاعدايىنداعى باسقارۋ مودەلىن قايتا قالىپتاستىرۋدا: بۋدانوۆ پرەزيدەنت كەڭسەسىنە كەلدى