فوتو: https://cdn

جالپىحالىقتىق ۆاكتسيناتسيا ناۋقانىن دەر كەزىندە باستاماعان ۇندىستانداعى ەپيداحۋال ناشارلاپ كەتتى. 

دجونس حوپكينس ۋنيۆەرسيتەتىنىڭ مالىمەتىنشە, پاندەميا باستالعالى الەملە 153 ميلليون ادام ۆيرۋس جۇقتىرىپ، 3,2 ميلليون ادام اجال قۇشقان. كۇندەلىكتى جاڭا كەيستەردىڭ سانى ءبىر اپتادان استام ۋاقىت بويى رەكورد ورناتتى – تاۋلىگىنە 800 مىڭنان استام جاعداي تىركەلگەن. بۇل كورسەتكىشتىڭ جارتىسىنا جۋىعى ۇندىستانعا تيەسىلى.

2 مامىردا مۇندا 368 مىڭ ادامنان كوروناۆيرۋس تابىلىپ، 3417 ادام كوز جۇمدى. ەلدەگى ىندەت احۋالى ۋشىعىپ، كرەماتوريلەر مايىتتەردى ورتەپ ۇلگەرمەي جاتىر.

ەلدە جالپى سانى 20 ميلليونعا جۋىق كەيس تىركەلىپ، 219 مىڭ ادام قايتىس بولعان. الايدا ساراپشىلار بۇل ستاتيستيكانىڭ شىندىققا جاناسپايتىنىنا سەنىمدى. سەبەبى ەسەپ تەك دارىگەرلەردىڭ قاراۋىندا بولعان ناۋقاستار اراسىندا ءجۇردى. مىڭداعان ۇندىستاندىق العاشقى مەديتسينالىق كومەك الماي قايتىس بولعان. وسى ورايدا پرەمەر-مينيستر نارەندرا ءموديدىڭ پارتياسى شەشۋشى شتات باتىس بەنگالياداعى سايلاۋدا جەڭىلىس تاپتى.

الەمدەگى ەڭ ءىرى ۆاكتسينا ءوندىرۋشىسى، ۇندىلىك Serum ينستيتۋتىنىڭ باسشىسى ادار پۋناۆالا نارەندرا مودي ۇكىمەتىن ءۇندىستاندا حالىقتى ۆاكتسيناتسيالاۋ ءۇشىن ءدارى-دارمەكتەر جەتىسپەيدى دەپ ايىپتادى. ساراپشى ءۇندىستان بيلىگىنە ناۋرىزعا دەيىن، اۋرۋدىڭ ەكىنشى تولقىنى ەلگە ەنگەن كەزدە ۆاكتسيناتسيانى باستاۋدى ەسكەرتكەن. ال وسى ۋاقىتقا دەيىن تەك 21 ميلليون دوزاعا تاپسىرىس بەرىلگەن.

"The Qazaq Times"