جەر رەفورماسى: سەنات داۋلى زاڭ جوباسىن ماجىلىسكە قايتاردى

پارالامەنتتىڭ جوعارعى پالاتاسى سەنات جەر قاتىناستارى تۋرالى داۋلى زاڭ جوباسىنا ەكى تۇزەتۋ ەنگىزىپ، ماجىلىسكە قايتاردى. بۇل جايلى بۇگىن، 29 ساۋىردە بەلگىلى بولدى. 

بەيسەنبى كۇنى سەنات جوبانى ءبىرىنشى وقىلىمدا ماقۇلداپ، ەكىنشى وقىلىمعا كىرىسكەن. سول كەزدە سەنات دەپۋتاتى ءابدالى نۇراليەۆ سەناتتىڭ تۇراقتى كوميتەتتەرى مەن جەكەلەگەن سەنات دەپۋتاتارىنان زاڭ جوباسىنا قاتىستى ەكى ۇسىنىس تۇسكەنىن ايتىپ، ارىپتەستەرىن سونى قولداۋعا شاقىردى.

"اتالعان ۇسىنىستار بويىنشا جەكە ورمان ءوسىرۋ ءۇشىن جەر ۋچاسكەلەرىن تەك قازاقستان ازاماتتارىنا جانە شەتەلدىك ۇلەسى جوق زاڭدى تۇلعالارىنا بەرۋ تۋرالى ءتيىستى وزگەرىسپەن تولىقتىرۋدى جەر كودەكسىنىڭ 48 جانە 128 بابىنا ەنگىزۋ ۇسىنىلىپ وتىر. زاڭ جوباسى قر كونستيتۋتسياسىنا جانە قولدانىستاعى زاڭدارىنا سايكەس كەلەدى" دەدى سەنات دەپۋتاتى.

«قازاقستان رەسپۋبليكاسىنىڭ كەيبىر زاڭنامالىق اكتىلەرىنە جەر قاتىناستارى ماسەلەلەرى بويىنشا وزگەرىستەر مەن تولىقتىرۋ ەنگىزۋ تۋرالى»دەپ اتالعان قۇجاتتى پرەزيدەنت قاسىم-جومارت توقاەۆتىڭ باستاماشى بولۋىمەن دايىندالعان. ناۋرىز ايىنىڭ ورتاسىندا ماجىلىسكە تۇسكەن بۇل قۇجاتتا شەتەلدىكتەرگە ورمان ءوسىرۋ ءۇشىن جەر بەرۋدى كوزدەيتىن باپ بولعان جوق. ونى ماجىلىستەگى وسى زاڭ جوباسىنىڭ جۇمىس توبى ەنگىزگەن. قوعامدا زاڭ جوباسىنىڭ ءدال وسى تارماعىنا قاتىستى شۋ بولىپ، ەلدىڭ كەي قالالارىندا نارازىلىق شارالارى وتكەن. 

"The Qazaq Times"