الماتىدا ماماي جاقتاستارى «جەر شەتەلدىكتەرگە ساتىلماسىن!» ۇرانىمەن ميتينگ وتكىزىپ جاتىر. ميتينگ بەلگىلەنگەن شوقان ءۋاليحانوۆ الاڭىن پوليتسيا قورشاۋعا الىپ، ينتەرنەت بۇعاتتالدى.
وقيعا ورنىنداعى تىلشىلەرىمىزدىڭ حابارلاۋىنشا، الاڭعا شامامەن ءجۇز ەلۋگە تارتا ادام جينالعان. الاڭ ماڭىنا جەدەل جاردەم كولىكتەرى مەن اۆتوبۋستار قويىلعان. كوشەلەر جابىلىپ، پوليتسيانىڭ قاتاڭ قاداعالاۋىنا قاراماستان، شەرۋگە جينالعاندار سانى ارتا باستادى. ءبىراز ۋاقىتتان كەيىن دوستىق كوشەسىنە قاراي بەت العان شەرۋشىلەردى ارنايى جاساق وكىلدەرى قورشاۋعا الىپ، جولدى تۇتاستاي جاۋىپ تاستادى. نارازىلار ەگەر جەر تۋرالى زاڭ قابىلدانسا، اشتىق جاريالاماق.
جانبولات ماماي باستاعان قازاقستاننىڭ دەموكراتيالىق پارتياسىن قۇرۋ باستاما توپ وكىلدەرى شەتەلدىكتەرگە ورمان شارۋاشىلىعى ءۇشىن ۇزاق جىلعا جەر بەرۋگە مۇمكىندىك بەرەتىن پارلامەنتتە جاتقان جەر قاتىناستارى تۋرالى زاڭ جوباسىنا قارسىلىق بىلدىرەتىنىن ايتقان. اتالعان توپ بۇعان قوسا، قازاقستاندا قىتايلىق 56 زاۋىت قۇرىلىسىن توقتاتۋدى تالاپ ەتىپ جاتىر.
كەشە الماتى قالاسىنىڭ سانيتارلىق-ەپيدەميولوگيالىق باقىلاۋ جونىندەگى دەپارتامەنتى قازىر قالانىڭ كوروناۆيرۋس بويىنشا «قىزىل ايماقتا» تۇرعانىن العا تارتىپ، قوعامدىق شارا وتكىزۋگە تىيىم سالىنعانىن ەسكەرتكەن. ال جانبولات ماماي بۇل ەسكەرتۋ «جەر ءۇشىن وتەتىن ميتينگىنى توقتاتۋعا سەبەپ بولا المايدى» دەدى.
قاندى قاڭتار سوتى. بەس جىلعا سوتتالعان ارتىقباەۆ ەشقانداي دالەل جوق دەپ ۇكىممەن كەلىسپەيدى
الماتى وبل پركۋراتۋراسى. بەلسەندىلەر: «جالعان جالامەن قاماۋداعى ايگەرىم مەن دۋمانعا بوستاندىق!»
ارمان الىمبەكوۆ: مەن ول جەردىڭ رەزيدەنتسيا ەكەنىن بىلمەدىم. ەشنارسە بۇلدىرمەدىم.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى
رەزيدەنتسيا ءىسى. ورىنعازى سەرىكبول: بەيبىت شەرۋگە شىقتىم. ال، 269 باپتى مويىندامايمىن