الەمدە تاعى ءبىر ەل قىتاي ۇكىمەتىنىڭ شىڭجاڭداعى ارەكەتىن گەنوتسيد دەپ تانىدى. ءبىر كۇن بۇرىن بريتان وكىلدەر پالاتاسى شىڭجاڭدا گەنوتسيد جاسالعانىن العاش رەت مالىمدەدى. وسىلايشا بريتانيا كوممۋنيستىك قىتاي بيلىگىنىڭ شىڭجاڭداعى ارەكەتتەرىن گەنوتسيد دەپ تانىعان الەمدەگى ءتورتىنشى ەل بولىپ قالدى.

بۇعان دەيىن اقش، كانادا جانە نيدەرلاند شىڭجاڭداعى گەنوتسيدتى راستاعان بولاتىن. بريتان پارلامەنتىنىڭ بۇل شەشىمى قىتايعا قارسى نارازىلىقتىڭ كۇشتى ەكەنىن اڭعارتادى. ال، پارلامەنت شەشىمى بريتان ۇكىمەتىن قانداي دا ءبىر شارالار جاساۋعا ماجبۇرلەيدى.

بەيجىڭ تارابى بىردەن جاۋاپ قايتارىپ، بريتان پارلامەنتىنەن تەز ارادا «قاتەنى تۇزەتۋىن» تالاپ ەتكەن. الايدا، اعىلشىن دەپۋتاتتارى پارلامەنت تالقىسىندا شىڭجاڭداعى كوممۋنيستىك رەجيمنىڭ ارەكەتتەرىن «ۇلتتىق تولىقتاي نەمەسە جارتىلاي جويىپ جىبەرۋگە باعىتتالىپ جاتقانىن» اشىق، ايقىن ايتتى. بۇعان قوسا شىڭجاڭداعى ەتينيكالىق جانە ءدىني ازشىلىقتارعا جاسالىپ جاتقان قىسىمدارعا، قۋدالاۋ مەن زورلىق-زومبىلىققا جەتەرلىك دالەلدەردىڭ بار ەكەنىن دە قوسىمشالادى.

بريتانيادان كەيىن الەمدە «شىڭجاڭداعى گەنوتسيدتى مويىندايتىن» ەلدەردىڭ سانى ارتۋى مۇمكىن. بۇل باتىس پەن قىتايدىڭ قارىم-قاتىناسىن ءتىپتى دە شيەلەنىسكە الىپ بارماق.

“The Qazaq Times”