اقش مەملەكەتتىك حاتشىسى انتوني بلينكەن بريۋسسەلگە قايتالاي ساپارلادى. بۇل ساپارىندا بلينكەن ەو جانە ناتو وداقتاستارىنىڭ كونگرەستەرىندە رەسەيدىڭ ۋكراينا شەكاراسىنداعى اسكەري كۇشىن ارتتىرۋى جانە اۋعانستانداعى كواليتسيا وپەراتسيالارى سەكىلدى ماسەلەلەردى تالقىلاۋدا. بۇدان ءۇش اپتا بۇرىن بلينكەن ناتو مۇشەلەرىنىڭ ءسىم باسشىلارى وتىرىسىندا بريۋسسەلدە بولعان ەدى. سول كەزدەسۋدە اقش ءوزىنىڭ وداقتاستارىمەن قارىم-قاتىناسىن قايتا نىعايتىپ ۇلگىرگەن.

مەملەكەتتىك دەپارتامەنت جەتەكشىسىنىڭ بريۋسسەل ساپارىندا ەل نازارىن اۋدارتاتىن كەزدەسۋلەردىڭ ءبىرى ۋكراين ءسىم باسشىسى دميترو كۋلەبامەن بولاتىن كەزدەسۋى. كەشە كەشكە وتكەن كەزدەسۋدە اقش پەن ۋكارينانىڭ الداعى قارىم-قاتىناسى جوسپارلاندى دەسە دە بولادى. جالپى ۋكراينا تاقىرىبى بويىنشا ناتو باس حاتشىسى يەنس ستولتەنبەرگپەن دۇيسەنبى كۇنى كەڭىنەن سويلەسكەن ەدى.

رەسەيدىڭ شەكارا ماڭىندا اسكەري بەلسەندىلىنگى اقش باستاعان ناتو مۇشەلەرىن الاڭداتىپ وتىر. اقش پەن ناتو رەسەيدىڭ بۇنداي ارەكەتتەرىنە قارسى ورتاق ۇستانىمعا كەلىپ ۇلگەردى. ال، كەشە ستولتەنبەرگ پەن كۋلەبا اراسىنداعى كەزدەسۋدە «ناتو مەن ۋكراينا بىرىكتى» دەگەن مالىمدەمە جاسالدى.

ۋكراين ءسىم جەتەكشىسى اقش پەن ناتو وكىلدەرىمەن كەزدەسۋدە رەسەيگە باتىل تالاپتارىن دا قويدى. ايتالىق، ۋكراينا شەكاراسىنداعى اسكەري ارانداتۋ ارەكەتتەرىن توقتاتىپ، قايشىلىقتى ديپلوماتيالىق جولمەن شەشۋگە كەلۋى ءتيىس. بۇعان قوسا ۋكراين رەسەي تارابىنان بولعان قانداي دا ءبىر اسكەري ارەكەتكە باتىل جاۋاپ بەرۋگە دايىن ەكەنىن دە ءبىلدىردى.

“The Qazaq Times”