فوتو: https://cdn

كوروناۆيرۋسقا قارسى AstraZeneca ۆاكتسيناسىنىڭ اتاۋى Vaxzevria دەپ وزگەرتىلدى. بىراق پرەپاراتتىڭ قۇرامى ەش وزگەرىسسىز قالادى.

Euroweeklynews مالىمەتىنشە، بۇل شەشىمنىڭ ەۋروپاداعى سوڭعى جانجالدارمەن بايلانىستى. بۇعان دەيىن ەۋروپانىڭ بىرقاتار ەلدەرى AstraZeneca ەكپەسىن ساتىپ الۋدان باس تارتىپ وتىر. سەبەبى، «پرەپاراتتىڭ قان اينالىمىن ناشارلاتىپ، ترومبىلاردىڭ تۇزىلۋىنە ىقپال ەتەدى» دەگەن بولجامدار ايتىلدى.

AstraZeneca ۆاكتسيناسىن سالۋدى توقتاتىپ قويعان ءبىرىنشى ەل – دانيا. بۇل شەشىم ناۋرىزدىڭ باسىندا ەكپەنى سالدىرعان بىرقاتار دانيالىقتا قان ۇيىقتارى انىقتالعان سوڭ قابىلداندى. قانىندا ۇيىقتار پايدا بولعان ازاماتتاردىڭ ءبىرى ەكپە سالدىرعاننان 10 كۇن وتكەن سوڭ قايتىس بولعان. ەلدىڭ دەنساۋلىق ساقتاۋ جونىندەگى قۇزىرلى ورگاندارى AstraZeneca ەكپەسىن قولدانۋدىڭ كەمى ەكى اپتاعا توقتاعانىن، وسى ۋاقىت ارالىعىندا تىركەلگەن جاعدايلاردىڭ تەرگەلەتىنىن مالىمدەدى. بىراق مەكەمە ۆاكتسينا مەن قان ۇيىقتارى اراسىندا بايلانىس بار دەپ قورىتۋعا ءالى ەرتە ەكەنىن ەسكەرتتى.

بىراك كەيىننەن ەۋروپانىڭ ءدارى-دارمەك جونىندەگى اگەنتتىگى پرەپاراتتى تەكسەرە كەلە، ەكەۋىنىڭ اراسىننان بايلانىس تاپپاعانىن مالىمدەدى. ساراپشىلار ماسەلە ۆاكتسينانىڭ بەلىگىلى ءبىر پارتياسىمەن بايلانىستى بولۋى مۇمكىن دەگەن جورامالدى دا جوققا شىعاردى. وسىدان كەيىن گەرمانيا، فرانتسيا مەن يتاليا ۆاكتسينانى قايتا قولدانا باستايتىنىن حابارلادى.

كانادا بيلىگى دە جاسى 55-تەن اسقان تۇرعىندارعا بۇل ەكپەنى سالۋعا تىيىم سالعان. الايدا جۋىردا وسى ماسەلەگە قاتىستى وتىرىس وتكىزگەن دارىلىك زاتتار جونىندەگى ەۋروپالىق اگەنتتىك ەكپە قاۋىپسىز ءارى ءتيىمدى دەگەن مالىمدەمە جاسادى.

"The Qazaq Times"