جاپونيا ۇكىمەتى كوروناۆيرۋسقا قارسى كۇرەستى كۇشەيتۋ ماقساتىندا شەتەلدەن كەلەتىن تۋريستەر سانىنا شەكتەۋ ەنگىزدى. ەندى كۇنىنە 2 مىڭ ادامدىق ليميت ەنگىزىلەدى. بۇل تۋرالى توكيودا وتكەن ءباسپاسوز ءماسليحاتىندا مەملەكەتتىك جەر، ينفراقۇرىلىم، كولىك جانە تۋريزم ءمينيسترى كادزۋەسي اقابا مالىمدەدى.
مينيستر بۇل شارا ەڭ الدىمەن جاپونياعا كوروناۆيرۋستىڭ جاڭا شتامدارىنىڭ الدىن الۋ ءۇشىن قابىلدانعانىن اتاپ ءوتتى. ونىڭ ايتۋىنشا، جاپونيا اۆياكومپانيالارى شەت ەلدەردەن كەلەتىن لاينەرلەرىندەگى جولاۋشىلار سانىن ءتيىستى تۇردە شەكتەۋ تۋرالى ءوتىنىش العان. اتاپ ايتقاندا، مينيستر جاپوندىق جەتەكشى اۆياكومپانيالار «Japan Airlines» جانە «All Nippon Airways» شەتەلدەن اپتاسىنا 3400-دەن از ادام تاسىمالداۋعا كەلىستى.
5 ناۋرىزدان باستاپ جاپونيادا كراانتين شەكتەۋلەرى كۇشەيتىلىپ، 13 مەملەكەتتىڭ ازاماتتارىنا ەل اۋماعىنا كىرۋ ەرەجەلەرى وزگەردى. رەسمي قۇجاتتا: «اۆستريا، بەلگيا، برازيليا، گەرمانيا، دانيا، يتاليا، نيگەريا، نيدەرلاندى، ءباا، سلوۆاكيا، شۆەيتساريا، شۆەتسيا، فرانتسيا ازاماتتارى ءۇشىن جاپونيا اۋماعىنا كىرۋ ەرەجەلەرى وزگەرتىلدى. تۋريستەر ەلگە كىرگەننەن كەيىن ءۇش كۇن ىشىندە كارانتيندىك مەكەمەلەردە بولۋى كەرەك. وسىدان كەيىن ولار كوروناۆيرۋسقا تەست تاپسىرۋى كەرەك. تەرىس ناتيجە بولعان جاعدايدا ەكى اپتا وقشاۋلانۋى ءتيىس»، – دەلىنگەن.
قازىرگى ۋاقىتتا ەلگە تەك جاپون ازاماتتارى جانە ۇزاق مەرزىمدى ۆيزالارى بار شەتەلدىكتەر كىرە الادى. شەكارادان وتكەندە ولار 72 ساعات ىشىندە تاپسىرىلعان تەرىس ناتيجەلى پتر تەستىن راستايتىن قۇجات بولۋى قاجەت. اۋەجايعا كەلگەن سوڭ تاعى ءبىر مارتە تەست تاپسىرۋى ءتيىس. سودان كەيىن 14 كۇنگە وقشاۋلانادى.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟