"قىتايداعى تۋىستارىنا اراشا ىزدەيدى".  بۇگىن الماتىدا تۋىستارى قىتايدا قاماۋعا الىنعان، جازىقسىز سوتتالىپ ازاپتاۋعا ۇشىراعان قانداستاردىڭ تۋىستارى ورتاق ءباسپاسوز جيىنىن وتكىزدى. وعان بىرقاتار زيالى قاۋىم وكىلدەرى مەن جۋرناليستەر دە قاتىستى.

قىتايدا ءومىر بويى باس بوستاندىعىنان ايىرىلعان ناعىز مۇحاممەدتىڭ اناسى ۇلىنا اراشا سۇرادى.

شاراعا تۋعان-تۋىستارى قىتايدا نەگىزسىز ايىپتالىپ، ۇزاق مەرزىمگە قاماۋ جازاسىنا كەسىلگەن وسپان باتىردىڭ تىكە ۇرپاقتارى دا بولدى.  ولار ونداعى تۋىستارىنىڭ جانە قىتاي بيلىگى جاعىنان قۋدالاۋعا ۇشىراعان قانداستاردىڭ جالپى جاعدايى تۋرالى مالىمەتتەر بەردى. وسپان باتىردىڭ نەمەرەسى وركەن وسپان بىلتىر قىتايدىڭ جەرگىلىكتى سوتى جاعىنان ءومىر بويى قاماۋعا ۇكىم ەتىلگەن تۋعان اعاسى نۇرلان ءنابيۇلى جانە اتالاس جاقىندارى ناعىز مۇحاممەد، تولقىن سوعىسايۇلى قاتارلى ازاماتتاردىڭ جاعدايى تۋرالى ايتا كەلىپ، قازاقستان بيلىگىنەن ولاردىڭ تاعدىرىنا اراشا سۇراعان ارەكەتتەرىنەن ناتيجە بولماي وتىرعانىن ايتتى.

جازۋشى سماعۇل ەلۋباي ءوز پىكىن ايتتى.

شارادا جازۋشى، قازاقستاننىڭ ەڭبەك سىڭىرگەن قايراتكەرى سماعۇل ەلۋباي،  ازاماتتىق بەلسەندى،  وپپوزيا وكىلدەرىنىڭ ءبىرى جاسارال قۋانىشالين،  بەلگىلى ساياساتتانۋشى ءازىمباي عالي قاتارلى قاتىسۋشىلار بولىپ جاتقان جاعدايعا قاتىستى ءوز ويلارىن ورتاعا سالدى.

"قىتاي كوممۋنيستىك پارتياسىنىڭ ونداعى قازاقتارعا جاساپ  وتىرعان  ارەكەتى  قاتەلىك ەمەس،  قىلمىس",  – دەپ  باعالاعان  جاسارال قۋانىشالين قازاقستان  بيلىگىنىڭ  قىتايداعى  قازاقتاردىڭ  تاعدىرىنا اراشا بولۋدا  دارمەنسىزدىك ىستەپ وتىرعانىن،  ءتىپتى ءوز ىشىمىزدە  دە ادام قۇقىقتارىنىڭ بۇزىلۋىنا نارازىلىعىن  جەتكىزدى.

جاقىنىن ىزدەگەن قانداستار ۇكىمەتتەن ءبىر قايىر بولار ما دەپ ۇمىتتەنەدى.

بۇلاردان سوڭ تۋىستارى،  وتباسى  مۇشەلەرى قىتايدا قامالعان نەمەسە ءتۇرلى قىسىمدارمەن قۋدالاۋعا ۇشىراعان  ازاماتتاردىڭ اتا جۇرتتاعى تۋىستارى ءوز جاعدايلارىن  ورتاعا سالىستى. ولارلدىڭ اراسىندا ءبىر وتباسى ادامدارىنىڭ ەكى ەلگە ءبولىنىپ قالعاندارى دا بار. بۇعان دەيىن ولار تۋىستارى مەن وتباسى مۇشەلەرىن بوساتۋدى  تالاپ ەتىپ،  الماتىداعى  قىتاي كونسۋلدىعى  الدىندا نارازىلىق شارالارىن دا وتكىزگەن.

شىڭجاڭ ماسەلەسى كوپ جىلدان بەرى قازاق قوعامىنا دا ءتۇرلى ىقپالىن تيگىزىپ  كەلەدى. قىتايداعى ادام قۇقىعىنىڭ بۇزىلۋى حالىقارالىق قاۋىمداستىقتى دا الاڭداتىپ وتىر. وسى ارادا  ايتا كەتۋى كەرەك، شىڭجاڭ ماسەلەسى عانا ەمەس، گونكونگ، تيبەت جانە تايۋان ماسەلەسى، سونلاي-اق ادام قۇقىعى مەن دەموكراتيا قۇندىلىقتارىنا قاتىستى تاقىرىپتار قىتاي مەن بىرقاتار باتىس ەلدەرى اراسىنداعى داۋىرلىك قايشىلىقتىڭ  نەگىزگى  ءتۇيىلىسۋ  نۇكتەلەرىنە اينالدى. بۇل الىپ ەلدەر اراسىنداعى قايشىلىقتا ەلىمىز بەن ۇلتىمىزدىڭ مۇددەسى ساۋداعا ءتۇسىپ  كەتپەۋى  ءۇشىن قازاق  بيلىگى،  ونىڭ سىرتىق ىستەر مينيسترلىگى مەن ۇلتتىق قاۋىپسىزدىك  كوميتەتى ءوز تارابىنان بەلسەندىلىك تانىتۋى،  بولعان سيتۋاتسيالارعا بەي-جاي قاراماۋى ءتيىس.

"The Qazaq Times"