فوتو: gazeta.ru

ميانمادا نارازىلىق بىلدىرۋشىلەردىڭ پوليتسيامەن قاقتىعىسىندا 38 ادام قازا بولدى. بۇل تۋرالى بۇۇ-نىڭ ارنايى وكىلى كريستين شرانەر بۋرگەنەر حابارلادى.

ەلدە 1 اقپاننان بەرى زارداپ شەككەندەردىڭ جالپى سانى 50-دەن اسادى.. ديپلومات ساراپشىلاردىڭ پىكىرىنشە، پوليتسيا نارازىلاردى كۇشپەن تاراتۋ كەزىندە پۋلەمەت تاپانشالارىن قولدانعان.

1 اقپاندا ميانما اسكەري كۇشتەرى ءبىر جىلعا توتەنشە جاعداي جاريالادى جانە پرەزيدەنت ۆين مين مەن مەملەكەتتىك كەڭەسشى اۋن سان سۋ ءچجيدى قىزمەتىنەن ايىردى. اسكەريلەر بىلتىر قاراشادا وتكەن پارلامەنت سايلاۋىنىڭ ناتيجەسىمەن كەلىسپەگەن ەدى. بىلتىرعى سايلاۋدا اۋنگ سان سۋ چجي باسقاراتىن دەموكراتياشىلاردىڭ ۇلتتىق ليگاسى پارتياسى جەڭىمپاز دەپ تانىلعان. اسكەريلەر سايلاۋ ءادىل وتپەدى دەپ سانايدى.

8 قاراشادا ميانمادا پاندەميانىڭ ەكىنشى تولقىنى جانە وسىعان بايلانىستى قولدانىستاعى شەكتەۋلەر اياسىندا پارلامەنتتىك سايلاۋ ءوتتى. ناتيجەسىندە اۋن سان سۋ چجي باستاعان «دەەموكراتيا ءۇشىن ۇلتتىق ليگا» بيلەۋشى پارتياسى جەڭىپ الدى. اتالعان پارتيانىڭ باستى باسەكەلەسى سانالاتىن اسكەري ىنتىماقتاستىق جانە وداقتى دامىتۋ پارتياسى ەل پارلامەنتىندە ەڭ از ورىنعا يە بولدى.

"The Qazaq Times"