دۇيسەنبىدەن سەيسەنبىگە، 2 ناۋرىزعا قاراعان ءتۇنى شىمكەنتتە وقيعا ورنىنا بارعان ءجۋرناليستى پوليتسيانىڭ سوققىعا جىققانى تۋرالى حابارلاندى. پوليتسيا قالاداعى كۇرە جولداردىڭ ءبىرى تەمىرلان تاس جولىنىڭ بويىندا ورنالاسقان اۆتوكولىك بولشەكتەرى ساتىلاتىن بازاردان شىققان ورتتەن حابار تاراتۋعا بارعان «استانا» تەلەارناسىنىڭ ءتىلشىسى باحرومبەك تاليبجانوۆقا كۇش قولداندى.
ولار تىلشىگە وقيعا ورنىندا رەپورتاج تۇسىرۋگە تىيىم سالعان. ءۇش پوليتسەي باحرامبەك تاليبجانوۆتى «بايلاعان جانە بەتى مەن سول جاق بۇيرەگىنەن ۇرىپ، سۇيرەگەن». سول ساتتە باحرامبەكتىڭ ارىپتەسى – 31 ارنانىڭ ءتىلشىسى باحروم ابدۋللاەۆ جاعدايدى تەلەفونىنا تاسپالاپ العان.
وسىدان كەيىن ءتارتىپ ساقشىلارى ەكى ءتىلشىنى اباي اۋداندىق پوليتسيا باسقارماسىنا اپارعان. «استانا» تەلەارناسىنىڭ ءتىلشىسى كۇش قولدانعان پوليتسەيلەردىڭ ۇستىنەن ارىز جازعان. پوليتسيا حابارىنا قاراعاندا، قىزمەتتىك تەكسەرىس باستالعان. دەگەنمەن ازىرگە قىلمىستىق ءىس قوزعالماعان.
«ءادىل ءسوز» ءباسپاسوز قورعاۋ ۇيىمىنىڭ زاڭگەرى عاليا اجەنوۆانىڭ ايتۋىنشا، ءتىلشى قىلمىستىق كودەكستىڭ 158-بابى («ءجۋرناليستىڭ كاسىبي قىزەتىنە كەدەرگى جاساۋ») جانە اكىمشىلىك كودەكستىڭ 73-1-بابى («دەنساۋلىققا قاساقانا جەڭىل زيان كەلتىرۋ») بويىنشا ارىزدانا الادى.
«حالىق ۇنىنە قۇلاق اساتىن مەملەكەتكە» اينالۋدى ماقسات تۇتقان قازاقستاندا اقپارات قۇرالدارىنىڭ قىزمەتىنە ءجيى كەدەرگى كەلتىرىلىپ, اۋىق-اۋىق قىسىم كورسەتىلەدى. پاندەميا كەزىندە دارىگەرلەرمەن تىلدەسپەك بولعان، بەيبىت جيىنداردان اقپارات تاراتىپ جۇرگەن نەمەسە سايلاۋ ناۋقانىندا، ءتىپتى تىكەلەي ەفيردە وتەتىن وكق، وسك ءباسپاسوز بريفينگتەردە تىلشىلەرگە تۇرلى كەدەرگى جاسالادى. قازاقستان دۇنيەجۇزىندەگى ءسوز بوستاندىعى رەيتينگىندە 180 ەلدىڭ ىشىندە 157-ورىندا تۇرادى.
رەداكتسيا ۇكىمەت پەن ونىڭ قۇرامىنداعى قۇزىرلى ورگانداردان اتالعان جاعدايدى ءجىتى قاراۋدى جانە ءادىل دە شىنايى شەشىم شىعارۋىن سۇرايدى. «ءتورتىنشى بيلىك» وكىلدەرىنە عانا قاتىستى ەمەس، كەز كەلگەن «ادام بالاسىنىڭ» حاقى اياقاستى ەتىلۋىنە قارسىلىعىمىزدى، كونستيتۋتسيانىڭ العاشقى بابىندا كورسەتىلگەندەي، «قازاقستان رەسپۋبليكاسى ءوزىن دەموكراتيالىق، زايىرلى، قۇقىقتىق جانە الەۋمەتتىك مەملەكەت رەتىندە ورنىقتىرادى، ونىڭ ەڭ قىمبات قازىناسى – ادام جانە ادامنىڭ ءومىرى، قۇقىقتارى مەن بوستاندىقتارى» ەكەنىن ەسكە سالامىز.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟