جاپونيا مەن اقش رەسمي تۇردە ەلدەگى ءاسكەري بازالارعا بولىنەتىن قارجىلىق شىعىن شارتتارىن تاعى ءبىر جىلعا ۇزارتۋ تۋرالى كەلىسىمگە قول قويدى. بۇل تۋرالى جاپونيا ءسىم باسشىسى توسيميتسۋ موتەگي حابارلادى.
«بۇگىنگى ءباسپاسوز كونفەرەنتسياسى الدىندا بۇرىن قول جەتكىزىلگەن ۋاعدالاستىقتار نەگىزىندە اقش-تىڭ جاپونياداعى ەلشىسىنىڭ مىندەتىن اتقارۋشى دجوزەف يانگپەن ورتاق كەلىسىمگە قول قويدىق»، – دەدى موتەگي. جاپون سىرتقى ساياسي ۆەدومستۆوسىنىڭ باسشىسى ەكى ەلدىڭ ۇكىمەتتەرى جاپون-امەريكا اليانسىن نىعايتاتىنىن اتاپ ءوتتى.
بىلتىر جاپونيانىڭ اسكەري بازالاردى ۇستاۋعا ارنالعان شىعىندارى 199,3 ملرد يەنگە جەتكەن. ياعني نگىزگى باعام بويىنشا 1,8 ملرد دوللاردان استام. جاپونيا وسى نىساندارعا بايلانىستى بارلىق كوممۋنالدىق شىعىنداردى تولەيدى. سونىمەن قاتار ولاردىڭ جەرگىلىكتى قىزمەتكەرلەرىنىڭ جالاقىسىن الادى.
وكيناۆا ارالىندا ورنالاسقان كادەنا – اقش-تىڭ قيىر شىعىستاعى ەڭ ءىرى اسكەري بازاسى. ول 2 مىڭ گەكتار جەردى الىپ جاتىر. جالپى وكيناۆا ارالىندا 25 مىڭ 800 امەريكالىق جاۋىنگەر مەن ولاردىڭ 19 مىڭ تۋىسى تۇرىپ جاتىر. وكيناۆا پرەفەكتۋراسىنىڭ اكىمشىلىگى مەن جەرگىلىكتى حالىق ۇنەمى اقش اسكەرىنىڭ قىسقارتىلۋىن تالاپ ەتەدى.
ۋكراينا سوعىس جاعدايىنداعى باسقارۋ مودەلىن قايتا قالىپتاستىرۋدا: بۋدانوۆ پرەزيدەنت كەڭسەسىنە كەلدى
يەمەن سوعىسىنىڭ جاڭا كەزەڭى: وڭتۇستىكتەگى قاقتىعىس جانە ايماقتىق دەرجاۆالاردىڭ ويىنى
قاعازداعى پاتسيەنتتىڭ ومىردەگى جاعدايى: ءۇنسىز ءارى الپاۋىت ەپيدەمياعا قارسى كۇرەستە قازاقستاندىق ابب-نىڭ قاۋقارى مەن كەمشىلىگى
الماتىدا جاڭا زاماناۋي كىتاپحانا اشىلدى
ŞAM تەاترىنىڭ كينوەكسپەريمەنتى: «№37» قويىلىمى فيلمگە اينالدى
ەرتاەۆ قايتا قامالعان كۇز: راقىمشىلىق «زاڭسىزدىق جارمەڭكەسىنە» اينالدى ما؟