ناتو ءوز شەكاراسىندا اۋقىمدى بارلاۋ جۇرگىزبەك

ناتو ۇيىمى وزىنە مۇشە ەلدەردىڭ شەكارالارىنا ۇشقىشسىز ۇشۋ قۇرىلعىلارىمەن اۋقىمدى بارلاۋ جۇرگىزبەك. بۇل تۋرالى ناتو-نىڭ باس حاتشىسى ستولتەنبەرگ ۇيىمعا مۇشە ەلدەردىڭ قورعانىس مينيسترلەرىنىڭ وتىرىسىندا حابارلادى.

يەنس ستولتەنبەرگتىڭ ايتۋىنشا، ناتو پايدالانعالى وتىرعان ۇشقىشسىز ۇشۋ قۇرىلعىلارى الەمدەگى ەڭ وزىق ۇشقىشسىز بارلاۋ قۇرىلعىلارى سانالادى. ولار ارنايى بارلاۋ جۇرگىزۋ باعدارلامالارى ارقىلى جەرورتا تەڭىزى مەن سولتۇستىك ەۋروپا جاعالاۋلارىنا دەيىن، ورتا شىعىستان تارتىپ اتلانت مۇحيتىنا دەيىن بارلاۋ جۇرگىزەدى.

مالىمەتتەرگە قاراعاندا، ارنايى بارلاۋ باعدارلامالاردىڭ كومەگىمەن  اتالعان ۇشقىشسىز ۇشۋ قۇرىلعىلارى ناتو وداقتاستارىنا كەڭ كولەمدى بارلاۋ مالىمەتتەرىن بەرىپ وتىرادى. ەڭ وزىق باعدارلاما، دالدىگى جوعارى رادار جانە بارلاۋ كامەرالارى ارقىلى بۋنكەرلەر مەن قولدان جاسالعان جارىلعىش زاتتاردى دا انىقتاۋعا قابىلەتتى.

“The Qazaq Times”