الەمنىڭ 58 مەملەكەتى اسا ماڭىزدى قۇجاتقا قول قويدى

15 اقپان، دۇيسەندى كۇنى 58 مەملەكەت ورتاسىندا حالىقارالىق اسا ماڭىزدى قۇجاتقا قول قويىلدى. «ەل مەن ەل اراسىنداعى قاتىناسقا بايلانىستى زاڭسىز ۇستاۋعا تىيىم سالۋ» (Declaration Against Arbitrary Detention in State-to-State Relations) دەپ اتالاتىن قۇجات كەيبىر ەلدەردىڭ ورتاسىنداعى ديپلوماتيالىق قايشىلىققا بايلانىستى ءبىر-ءبىرىنىڭ ازاماتتارىن ۇستاۋعا شەكتەۋ قويماق. قۇجاتقا قول قويعان ەلدەر اراسىندا اقش، بريتانيا، جاپونيا، اۋستراليا جانە كانادا قاتارلى ەلدەر دە بار.

بۇنداي باستامانى كانادا كوتەرگەن. كانادا ءسىم باسشىسى مارك گارنەۋ (Marc Garneau) باستامانى قولداعان ەلدەرگە العىسىن ءبىلدىردى جانە ولارمەن ارقاشانبىرگە ەكەنىن ءبىلدىردى. ول سونداي-اق، ەلدەر اراسىنداعى ديپلوماتيالىق قايشىلىققا بايلانىستى جەكە تۇلعالاردى ۇستاۋ قازىرگى زامان ساي ەمەس ازعىندىق تاجىريبەسى دەپ باعالاعان.

كانادا ءسىم باسشىسى مارك گارنەۋ. فوتو: VOA.

دەكلاراتسياعا قول قويعان 58 ەل بۇل باستامانى جاھاندىق بەت-بەينەدە ماڭىزى بار دەپ تاپتى. «بۇل تەك باستاماسى عانا. ەندى ءبىز وسى حالىقارالىق سەرپىندى قالىپتاستىرۋ مەن قولداۋدىڭ جانە زاڭسىز ۇستاۋدى توقتاتۋدىڭ سىندارلى جولدارىن تابۋعا نازار اۋدارۋىمىز كەرەك»، – دەيدى كانادا سىرتقى ىستەر ءمينيسترى.

ايتا كەتەيىك، كانادا مۇنداي باستامانى كوتەرەرلىك ءجونى بار. بۇدان بىرەر جىل بۇرىن قىتاي مەن كانادا ورتاسىندا ديپلوماتيالىق قاتىناس سالقىنداعاندا، قىتايداعى بىرقاتار كانادالىق ازاماتتار ۇستالعان بولاتىن.

“The Qazaq Times”