الماتى قالاسىنىڭ اكىمدىگى الداعى حالىقارالىق ايەلدەر كۇنى مەرەكەسى، ياڭني 8 ناۋرىزبەيبىت مارش وتكىزۋگە رۇقسات بەردى. بۇل جونىندە ۇيىمداستىرۋشى تاراپ وكىلدەرى الەۋمەتتىك جەلىدە جاريالادى.
جازباعا قاراعاندا، مارشتى Feminita, «قازفەم»، «فەمسرەدا»، SVET قورى مەن FemAgora ۇيىمى وتكىزەدى. مالىمدەمەدە شەرۋ «شەۆچەنكو كوشەسىن بويىندا، گاندي ەسكەرتكىشىنەن شوقان ءۋاليحانوۆ ەسكەرتكىشىنە دەيىن وتەتىنى» جازىلعان.
«وكىنىشكە قاراي، بەيبىت ميتينگ زاڭى شەرۋ وتكىزەتىن ورىندى تاڭداۋعا مۇمكىندىك بەرمەيدى» دەيدى ۇيىمداستىرۋشىلار. مارش بۇرىنعىشا «ءار ايەل – جالعىزىم (ماڭىزدى)!» ۇرانىمەن وتەدى. فەمينيستىك توپتار ميتينگى شىعىندارىن كراۋدفاندينگ ءادىسى، ياعني «كوپتەن جىلۋ جيناۋ» ارقىلى جاپپاق.
«اتاۋلى داتا – كەمسىتۋ مەن تەڭسىزدىكتى بولعىزباۋعا ۇلەس قوسىپ، پىكىرلەس ءارى قولداۋشى رەتىندە، سونداي-اق ءوز قۇقىعى ءۇشىن كۇرەسىپ جۇرگەن ايەلدەردىڭ بىرلىگى دۇنيەجۇزى بويىنشا اتالىپ وتەتىن تاريحي كۇن ەكەنىن ەسكە سالامىز»، – دەلىنگەن حابارلامادا.
بىلتىر ءدال وسى كۇنگى ايەلدەر شەرۋىنە ەكى جۇزدەن ادام قاتىسقان. كوكتەمگى كارانتين كەزىندە اسىعىس قابىلدانعان ميتينگ وتكىزۋ تۋرالى زاڭ جايلى ساراپشىلار مەن ازاماتتىق قوعام بەلسەندىلەرى ءالى دە شيكى ەكەنىن، ازاماتتاردىڭ ەمىن-ەركىن پىكىر ەركىندىگىن شەكتەيتىنىن سىنايدى. قۇلاقتاندىرۋ فورماتىنا كوشتى دەلىنگەنىمەن «جەرگىلىكتى اتقارۋشى بيلىكتىڭ رۇقساتىن الۋ شارت». بيلىك سانكتسيالاماعان ميتينگ-پيكەتكە شىققان ادامداردى كۇشتەپ ۇستاۋ، اكىمشىلىك جاۋاپقا تارتۋ، ايىپپۇل كەسۋ ارەكەتىن توقتاتپاعان.
جۋىردا (11 اقپان) ەۋروپارلامەنت قازاقستانعا قاتىستى قابىلداعان قارارىندا رەسمي بيلىككە بەيبىت جيىنداردى كەدەرگى كەلتىرمەۋ تۋرالى تالاپ قويعان.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟