تۇركىمەنستان پرەزيدەنتى گۋربانگۋلى بەردىمۇحامەدوۆ ءوزىنىڭ 39 جاستاعى ۇلى سەردار بەردىمۇحامەدوۆتى ۆيتسە-پرەمەر قىزمەتىنە تاعايىندادى. بۇل تۋرالى Turkmenportal حابارلادى.
ۇلىن بۇل قىزمەتكە تاعايىنداۋ ءۇشىن پرەزيدەنت ۇكىمەتتەگى ورىنباسارلارىنىڭ سانىن ارتتىرعان. قاۋلىعا سايكەس، بۇل قادام مينيسترلەر كابينەتى مەن قاۋىپسىزدىك جونىندەگى مەملەكەتتىك كەڭەس جۇمىسىن جاقسارتۋ ءۇشىن جاسالعان. بۇعان دەيىن سەردار بەردىمۇحامەدوۆ تۇركىمەنستاننىڭ ءوندىرىس جانە قۇرىلىس ءمينيسترى قىزمەتىن اتقارعان. ەندى ول ەلدىڭ قاۋىپسىزدىك جونىندەگى مەملەكەتتىك كەڭەسىنىڭ مۇشەسى اتاندى.
پرەزيدەنت جاڭا ۆيتسە-پرەمەردىڭ مىندەتتەرىنە مەملەكەتتىك جانە قوعامدىق – دەنساۋلىق ساقتاۋ، ءبىلىم بەرۋ، قارجى جانە ەكونوميكا سالالارىن تسيفرلاندىرۋ جانە يننوۆاتسيالىق تەحنولوگيالار ەندىرۋ كىرەتىنى ايتىلعان.
61 جاستاعى گۋربانگۋلى بەردىمۇحامەدوۆ ورتالىق ازياداعى تابيعي گازعا باي تۇركىمەنستاندى وزىنە دەيىنگى پرەزيدەنت ساپارمۇرات نيازوۆ قايتىس بولعان 2006 جىلدىڭ جەلتوقسانىنان بەرى باسقارىپ كەلەدى.
تۇركىمەنستان بيلىگىن سىنايتىندار مەن قۇقىق قورعاۋشىلار بەردىمۇحامەدوۆتىڭ بيلىككە كەلگەلى وزگەشە ويلايتىنداردى قۋدالاعانىن جانە ايتارلىقتاي وزگەرىس جاساماعانىن ايتادى. پرەزيدەنت بەردىمۇحامەدوۆتىڭ جالعىز ۇلىنان باسقا ءۇش قىزى بار.
قاندى قاڭتار سوتى. بەس جىلعا سوتتالعان ارتىقباەۆ ەشقانداي دالەل جوق دەپ ۇكىممەن كەلىسپەيدى
الماتى وبل پركۋراتۋراسى. بەلسەندىلەر: «جالعان جالامەن قاماۋداعى ايگەرىم مەن دۋمانعا بوستاندىق!»
ارمان الىمبەكوۆ: مەن ول جەردىڭ رەزيدەنتسيا ەكەنىن بىلمەدىم. ەشنارسە بۇلدىرمەدىم.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى
رەزيدەنتسيا ءىسى. ورىنعازى سەرىكبول: بەيبىت شەرۋگە شىقتىم. ال، 269 باپتى مويىندامايمىن