گەرمانيا بەلارۋس وپپوزيتسياسىن قولدايتىنىن مالىمدەدى

گەرمانيا بيلىگى بەلارۋس وپپوزيتسياسىنىڭ وكىلدەرىنە ۆيزا الۋ ەرەجەلەرىن جەڭىلدەتتى. بۇل تۋرالى Süddeutsche Zeitung گازەتى حابارلادى.

باسىلىمنىڭ مالىمەتىنشە، ۆيزالىق رەجيمدى جەڭىلدەتۋ ەڭ الدىمەن «بيلىك تاراپىنان ازاپتالعان، قۋدالانعان ادامدار مەن ولاردىڭ جاقىن تۋىستارىنا» قاتىستى.

وسىعان بايلانىستى گەرمانيا سىرتقى ىستەر مينيسترلىگى: «ەۋروپا تاراپىنان قولداۋ شارالارى – بەلارۋس ازاماتتىق قوعامىن قولداۋ باعدارلاماسىنىڭ بولىگى. سونىمەن قاتار، بەلارۋس دەموكراتيالىق قوزعالىسىمەن بۇرىننان كەلە جاتقان ىنتىماقتاستىق بەلگىسى»، – دەپ مالىمدەدى.

9 تامىز بەلارۋستە پرەزيدەنتتىك سايلاۋ ءوتتى. سول كۇنى وسك الەكساندر لۋكاشەنكونىڭ 80,10% داۋىس جيناپ، جەڭىسكە جەتكەنىن حابارلادى. سايلاۋ ناتيجەلەرىن مويىنداۋدان باس تارتقان سۆەتلانا تيحانوۆسكايا كانديدات رەتىندە 10,12% داۋىس جيناعان.

داۋىس بەرۋ قورىتىندىلارى شىعارىلعاننان كەيىن ەلدە جاپپاي نارازىلىق اكتسيالارى باستالدى. ءىرى قاقتىعىستار كەزىندە پوليتسيا شەرۋگە شىققاندارعا قارسى وق اتىپ، كۇشپەن باسىپ-جانشۋعا تىرىستى. قازىر بەلارۋستە جەرگىلىكتى نارازىلىق اكتسيالارى ءالى دە جالعاسۋدا.

"The Qazaq Times"