رەسەيدەگى نارازىلىق. 31 قاڭتار. فوتو: راديو ازاتتىق

31 قاڭتار، جەكسەنبى كۇنى رەسەيدىڭ جەر-جەرىندەگى ناۆالنىي جاقتاستارىنىڭ نارازىلىق اكتسياسىندا 3 مىڭعا جۋىق ادام ۇستالدى. ناۆالنىيدىڭ بوساتىلۋىن تالاپ ەتكەن ەكىنشى نارازىلىق شارالارىندا دا رەسەي پوليتسياسى كۇش قولداندى.

پۋتين مەن ونىڭ اينالاسىنداعى بيلىك وكىلدەرىن اشىق سىناپ كەلگەن الەكسەي ناۆالنىي گەرمانيادان رەسەيگە قايتاپ بارعان كۇنى پوليتسيا قولعا العان. ونىڭ پۋتين ۇكىمەتىنىڭ جەمقورلىعىن اشىپ كورسەتكەن «ءپۋتيننىڭ حانسارايى» ۆيدەو جازباسىن الەۋمەتتىك جەلىدە قىسقا ۋاقىتتىڭ ىشىندە 100 ميلليوننان رەتتە اسا كورىلىم جينادى. ونىڭ بوساتىلۋىن تالاپ ەتكەن ءبىرىنشى رەتكى نارازىلىق شاراسى 23 قاڭتار كۇنى وتكەن بولاتىن. وندا دا نارازىلىق كۇشپەن باسىلىپ، پوليتسيا ەل كولەمىنەن 4 مىڭنان استام ادامدى ۇستاپ اكەتكەن.

31 قاڭتارداعى نارازىلىقتا ءسىبىر مەن قيىر-شىعىس تاعى دا بەلسەندىلىك تانىتتى. ەكى قالادان شامامەن 300-دەن استام ادام ۇستالعانىن ناۆالنىيدىڭ جاقتاستارى حابارلادى.  رەسەيلىك بەلسەندىلەر وزدەرىنىڭ الەۋمەتتىك جەلى پاراقشالارىندا نارازىلىق باستالماي جاتىپ، پوليتسيانىڭ قۋدالاۋىنا ۇشىراعاندارىن جازعان بولاتىن.

ناۆالنىي جاقتاستارىنىڭ نارازىلىق شاراسىندا پوليتسيانىڭ كۇش قولدانۋى باتىس ەلدەرى جاعىنان قاتتى سىنعا الىنۋدا. اقش پەن ەۋروپانىڭ بىرقاتار ەلدەرى ناۆالنىيدىڭ بوساتىلۋىن دا تالاپ ەتكەن بولاتىن. ەۋروپالىق وداق ناۆالنىي بوساتىلماسا قوسىمشا سانكتسيا سالاتىنىن دا ايتقان بولاتىن.

“The Qazaq Times”