ميانما بيلىگى اسكەريلەر قولىنا ءوتتى

ميانمانىڭ ىقپالدى قارۋلى كۇشتەرى بيلىكتى باسىپ الىپ، ەلدە توتەنشە جاعداي ەنگىزىلدى. ولار ميانما پرەزيدەنتى ۆين مين، «دەموكراتيا ءۇشىن ۇلتتىق ليگا» بيلەۋشى پارتياسىنىڭ باسشىسى اۋن سان سۋ چجي، مەملەكەتتىك كەڭەسشى جانە رەسپۋبليكانىڭ سىرتقى ىستەر ءمينيسترىن ۇستادى.

قازىر مۇندا حابار تاراتۋ قيىنداپ، تەلەفون بايلانىسى ۇزىلگەن.

وڭتۇستىك شىعىس ازيا ەلىن 50 جىلدان استام باسقارعان ميانما قارۋلى كۇشتەرى 2015 جىلى اۋن سان سۋ چجي بيلىككە كەلگەننەن كەيىن دە ساياسي جانە ەكونوميكالىق ىقپالىن ساقتاپ قالعان.

جۇما كۇنى Irrawaddy گازەتى ميانما ۇكىمەتى مەن قارۋلى كۇشتەرى وكىلدەرىنىڭ پارلامەنتتىك سايلاۋ ناتيجەلەرىنە وپپوزيتسيانىڭ نارازىلىعىنا بايلانىستى قازىرگى ساياسي داعدارىستى جەڭۋگە باعىتتالعان كەزدەسۋى ءساتسىز اياقتالدى دەپ حابارلادى.

8 قاراشادا ميانمادا پاندەميانىڭ ەكىنشى تولقىنى جانە وسىعان بايلانىستى قولدانىستاعى شەكتەۋلەر اياسىندا پارلامەنتتىك سايلاۋ ءوتتى. ناتيجەسىندە اۋن سان سۋ چجي باستاعان «دەەموكراتيا ءۇشىن ۇلتتىق ليگا» بيلەۋشى پارتياسى جەڭىپ الدى. اتالعان پارتيانىڭ باستى باسەكەلەسى سانالاتىن اسكەري ىنتىماقتاستىق جانە وداقتى دامىتۋ پارتياسى ەل پارلامەنتىندە ەڭ از ورىنعا يە بولدى.

پارلامەنتتىڭ العاشقى وتىرىسى 1 اقپانعا بەلگىلەنگەن ەدى.

"The Qazaq Times"