قىتاي قاۋپىنە قارسى شارالار: اۋستراليا اسكەري-تەڭىز كۇشتەرىن كۇشەيتپەك

اۋستارليا قورعانىس مينيسترلىگى ەلدىڭ اسكەري-تەڭىز كۇشتەرىن كۇشەيتپەك. «قىسقا مەرزىم ىشىندە تەڭىز فلوتىنىڭ كۇشىن ارتتىرۋ اۋستراليانىڭ كوز الداعى قورعانىس ستراتەگياسىنىڭ ماڭىزدى بولەگى» دەپ مالىمدەدى اۋستراليا قورعانىس ءمينيسترى ليندا رەينولدس. بۇل تۋرالى اۋستراليا قورعانىس مينيسترلىگىنىڭ رەسمي سايتىنا سىلتەمە جاساي وتىرىپ، The Australian باسلىمى حابارلادى. 

لەينولدس حانىمنىڭ ايتۋىنشا فلوتتىڭ قۋاتىن ارتتىرۋدا الىس ارالىققا اتىلاتىن زىمىراندار مەن زىمىران شابۋىلدارىنا قارسى قورعانىستى كۇشەيتۋ كوزدەلگەن. اسكەري-تەڭىز كۇشتەرىنىڭ قۋاتىن ارتتىرۋ ءۇشىن ءبىر ميلليارد دوللار كولەمىندە ينۆەستيتسيا سالىناتىنباق.

اۋستراليا قورعانىس ءمينيسترى ليندا حانىم. فوتو. The Australian

اۋستراليا قورعانىس مينيسترلىگى بۇعان دەيىن اسكەري تەڭىز كۇشتەرىنىڭ سۋ استى سوعىسىنداعى قابىلەتىن ارتتىرۋ، بارلاۋ مەن شابۋىلدارعا تويتارىس بەرۋ مۇمكىندىگىن جوعارلاتۋ ءۇشىن قارجى بولگەن بولاتىن. «بۇل ارەكەتتەر ايماقتىڭ تۇراقتىلىعى مەن قاۋىپسىزدىگىن قامتاماسىز ەتۋ ءۇشىن كەزەك كۇتتىرمەيدى»، – دەدى لەينولدس حانىم مالىمدەمەسىندە.

قازىر ءۇندى-تىنىق مۇحيتى ايماعى حالىقارالىق جاڭا ويىنداردىڭ الاڭىنا اينالۋ ۇستىندە. قىتايدىڭ ءوسىپ كەلە جاتقان اسكەري مۇمكىندىكتەرى ەكى مۇحيتتاعى ەلدەردىڭ الاڭداۋشىلىعىن كۇشەيتتى. قۇراما شتاتتار دا وڭىردەگى وداقتاستارى مەن سەرىكتەرىن قىتايدىڭ ارتىپ كەلە جاتقان اسكەري قاتەرىنە قارسى كۇرەسۋگە جۇمىلدىرۋ ۇستىندە.

“The Qazaq Times”