فوتو: : nbnews.com.ua

Facebook كومپانياسى يرانمەن بايلانىستى 82 اككاۋنتتى جويدى.

بەلگىسىز ادامدار Facebook پەن Instagram الەۋمەتتىك جەلىسىندە فەيك اككاۋنت اشقان. جويىلعان اككاۋنتتار كوشى-قون، ناسىلشىلدىك، زورلىق-زومبىلىق جانە لاڭكەستىك تاقىرىپتا ارانداتۋشىلىق اقپاراتتار تاراتىپ، مەملەكەت باسشىلارىنا قاتىستى كاريكاتۋرالىق سۋرەتتەر جريالاپ وتىرعان. ولاردىڭ نەگىزگى ماقساتى – حالىق اراسىندا بيلىككە قارسى كوزقاراس قالىپتاستىرىپ، قوعامدىق ويدى بۇرمالاۋ.

فەيك اككاۋنتتار ءار حاباردى «امەريكالىق جانە بريتاندىق اقپارات كوزدەرىنەن الىنعان سەنىمدى اقپارات» دەپ جاريالاپ وتىرعان. Digital Forensic Research Lab زەرتتەۋ ورتالىعىنىڭ مالىمەتىنشە، اتالعان توپتاردىڭ نەگىزگى اۋديتورياسى ليبەرالدى كوزقاراستاعى امەريكا تۇرعىندارىنان قۇرالعان. سونداي-اق بىرەر ۋاقىت ىشىندە اقش جانە ۇلىبريتانيا ىشىندە ميلليوننان استام وقىرمان جينالعان. قازىرگى ۋاقىتتا يرانمەن قاتىسى بار دەگەن وسىنداي 82 اككاۋنت جابىلىپ، Facebook جانە Instagram-داعى وزگە دە توپتار تەكسەرىلىپ جاتىر.

"The Qazaq Times"