"سامسۇڭ" جەتەكشىسى لي جا يون.

الەمگە تانىمال Samsung Electronics كومپانياسىنىڭ ۆيتسە-پرەزيدەنتى پارا بەرۋ ايىبىمەن ەكى جارىم جىلعا سوتتالدى. سەۋل سوتى شىعارعان ۇكىمدە 52 جاستاعى كاسىپكەر ەلدىڭ بۇرىنعى پرەزيدەنتى پاك كين حەگە پارا بەرىپ كەلگەن دەگەن ايىپ تاعىلعان.

وڭتۇستىك كورەيانىڭ بۇرىنعى پرەزيدەنتى پاك بۇعان دەيىن پارا الۋ ايىبىمەن ايىپتالىپ، ۋاقىتىنان بۇرىن قىزمەتتەن شەتتەتىلگەن جانە قاماۋعا الىنعان بولاتىن. سوت شەشىمىندە Samsung Electronics كومپانياسىنىڭ جەتەكشىسى لي جا يوڭ پرەزيدەنت پاكتىڭ جاقىن قۇربىسى باسقارعان قورعا 37,7 ملن اقش دوللارىن اۋدارعانى تۋرالى ايتىلدى. بۇل تۋرالى وڭتۇستىك كورەيانىڭ «يونحاپ» اگەنتتىگى حابارلادى.

«سامسۇڭ» كومپانياسىنىڭ نەگىزىن 1938 جىلى لي بيون قالاعان بولاتىن. سودان بەرى لي وتباسىنىڭ قاراماعىندا. 1987 جىلى لي بيون كوز جۇمعاننان كەيىن بالاسى لي گون حي كومپانيانى ءوز باسقارۋىنا الىپ، الەمدىك ەلەكترونيكا الىبىنا اينالدىرعان. 2014 جىلى لي گون حي ينفراكتتان قايتىس بولدى. سودان بەرى كومپانيانىڭ اتقارۋشى جەتەكشىسى بولىپ ۇلى لي جا يوڭ وتىرعان.

وڭتۇستىك كورەيا زاڭىنىڭ سىبايلاس جەمقورلىققا دەگەن مالىملەسى قاتال. ءتورت جىل بۇرىن ونىڭ پرەزيدەنت پاككە پارا بەرۋى بويىنشا ءىس قوزعالىپ، وڭتۇستىك كورەياداعى بەدەلدى وتباسىنداعى اڭگىمە جالپاق الەمگە تاراعان. سوت ۇكىمى ونى كىنالى دەپ تاۋىپ، قاماۋ جازاسىنا كەسكەن. ناتيجەسىندە «سامسۇڭ» اكتسياسى ءتورت پايىزعا ءتۇسىپ كەتتى.

“The Qazaq Times”