الماتى وبلىسىنىڭ تالدىقورعان، كوكسۋ جانە ەسكەلدى اۋداندارىندا ەپيدەميولوگيالىق جاعدايدىڭ شيەلەنىسۋىنە بايلانىستى دەمالىس كۇندەرى لوكداۋن ەنگىزىلەدى. بۇل تۋرالى وبلىس اكىمدىگىنىڭ ءباسپاسوز قىزمەتى حابارلادى.
اكىمدىك حابارلاماسىندا: «جاڭا جىلدىق دەمالىستان كەيىن تالدىقورعانداعى ەپيدەميولوگيالىق احۋال ناشارلادى. ەپيدەميولوگيالىق جاعدايدى باعالاۋ ماتريتساسىنا سايكەس قالا« قىزىل ايماق » شەڭبەرىنە كىردى، ال كوكسۋ، ەسكەلدين جانە پانفيلوۆ اۋداندارى «سارى ايماققا» ءوتتى. 11 قاڭتاردا تالدىقورعاندا 135 ادام، كوكسۋ اۋدانىندا 62 ادام، ەسكەلدى اۋدانىندا 41 ادام اۋىردى»، – دەلىنگەن.
ەپيدەميولوگيالىق احۋالدى باقىلاۋدى كۇشەيتۋ ماقساتىندا تالدىقورعان، كوكسۋ جانە ەسكەلدى اۋداندارىندا 13 قاڭتاردان باستاپ دەمالىس كۇندەرىنە قوسىمشا شەكتەۋلەر ەنگىزىلەدى. ياعني مەيرامحانالار، كافەلەر، ساۋدا جانە ويىن-ساۋىق ورتالىقتارى، بازارلار، ءدارىحانالار، سۇلۋلىق سالوندارى، جابىق بازارلار، ساۋنالار، دەمالىس ورىندارى، سپورتتىق-ساۋىقتىرۋ ورتالىقتارى، كونكي تەبەتىن الاڭدار جانە مەكتەپتەردەگى ونلاين ءبىلىم بەرۋ نىسانىنداعى شەكتەۋلەر 21 قاڭتارعا دەيىن ۇزارتىلادى.
12 قاڭتارداعى جاعداي بويىنشا وبلىستا 7731 كەيس تىركەلدى. 2020 جىلى قازاننان ۆيرۋس جۇقتىرۋ دەرەگى ارتا باستادى جانە 3 ايدا 7,5 ەسەگە دەيىن جەتتى. قازىر اۋرۋحانالاردا 434 ادام ەمدەلىپ جاتىر. ولاردىڭ 29-ى اۋىر حالدە.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟