الماتى قالاسىنىڭ قىسقى كورىنىسى. فوتو: Yandex

قازاقستاندا قاڭتار ايىنىڭ العاشقى ونكۇدىگىندە دەرتكە شالدىققان 8 مىڭعا تارتا ادام انىقتالدى. ونىڭ 15%-ى الماتى قالاسىنا تيەسىلى بولعانىمەن سارى ايماقتا تۇر. سايلاۋ كۇنگى 10 قاڭتاردا كوروناۆيرۋس جۇققان 746 ادام، 8 قاڭتاردا كوروناۆيرۋس پنەۆمونياسىنا شالدىققان 27 ادام انىقتالعان. قازىر ەلدە 23,5 مىڭ ادام (U07.1 نەمەسە كۆي+ بويىنشا 11 577, U07.2 نەمەسە كۆي- بويىنشا 11 921) اۋىرىپ جاتىر. 

#U07.1 كوروناۆيرۋس پتر تەستى ارقىلى تابىلعان جاڭا كەيستەردىڭ ەڭ كوبى – الماتى قالاسى (120), اتىراۋ (73), پالودار (65), الماتى وبلىسىندا (63). وتكەن تاۋلىكتە 411 ادام اۋرۋىنان ايعىپ شىعىپ ۇيىنە جىبەرىلگەن، سونداي-اق ءبىر ادام ومىردەن وتكەن.

#U07.2  الدىڭعى كۇنى، ياعني قاڭتاردىڭ 9-ى كوروناۆيرۋس پنەۆمونياسىنا جاتاتىن 27 ناۋقاس جانە ءبىر ءولىم جاعدايى تىركەلگەن.

#جالپى  دەنمين-ءنىڭ رەسمي مالىمەتىنشە, ەمدەلىپ جاتقان 23 498 ناۋقاستىڭ 5608-ءى اۋرۋحانادا، 17 890-ى امبۋلاتورلىق باقىلاۋدا. احۋالى ناشار 272 ناۋقاستىڭ اراسىندا 54 ادامنىڭ جاعدايى قاتتى قيىنداعان. جانە 45 سىرقات وكپەنى جاساندى جەلدەتۋ اپپاراتىمەن تىنىستاپ جاتىر.

مينيسترلىك وتكەن ايدا رەسمي حابارلامانىڭ فورماسىن جاڭارتتى. وندا اۋىرىپ جاتقان بالالار تۋرالى اقپارات الىنىپ تاستالعان.

اقپارات مينيسترلىگىنىڭ coronavirus2020.kz سايتى مەن دەنساۋلىق ساقتاۋ مينيسترلىگىنىڭ اقپارات رەسۋرستارىندا جاريالانعان دەرەكتەر بىرنەشە ايدان بەرى قاتە بەرىلىپ كەلگەنى جايلى ماتەريالدار جاريالاپ، اقپارات قۇرالدارىنا ەسكەرتكەنبىز. 26 جەلتوقساننان باستاپ مينيسترلىك كەمشىلىگىن مويىنداپ، ستاتيستيكانىڭ مەرزىمىن كورسەتىپ جاريالاۋعا كوشتى.

پاندەميا مودەراتورى – مينيسترلىك تەك سەنبى-جەكسەنبىدە عانا ەمەس، مەرەكە كۇندەرى دە ستاتيستيكانى تولىقتاي جۇرگىزۋگە قاۋقارسىز. ماسەلەن، جەلتوقسان ايىنىڭ 1, 16, 17, 18-ءى ءجان 19-ىنا، 1-4, 7 قاڭتارعا تيەسىلى دەرەكتەر ەسەلەپ كەمىگەن. كۇزدىڭ ورتاسىندا سول كەزدەگى دەنمين-ءنىڭ رەسمي-ەرىكتى وكىلى باعدات قوجاحمەتوۆ ەكىنشى تولقىندا دەمالىس كۇنىنە قاراماستان ستاتيستيكانى تولىق كولەمدە جۇرگىزۋگە ۋادە بەرگەن ەدى. بىراق ءىس جۇزىندە ولاي بولماي شىقتى. 

The Qazaq Times رەداكتسياسى تومەندەگى كەستەنى ەڭ شىنايى نۇسقا دەپ سانايدى.

9 جەلتوقسان دەنساۋلىق ساقتاۋ ۆيتسە-ءمينيسترى، باس مەملەكەتتىك سانيتار-دارىگەرى ەرلان قياسوۆ قازاقستاندا كوروناۆيرۋس ينفەكتسياسىن جۇقتىرۋدىڭ شارىقتاۋ كەزەڭىن بيىل قاڭتار جانە اقپان ايلارىنا سايكەس كەلەدى دەگەن.

13 ناۋرىزدان بەرى COVID-19 ينفەكتسياسىن جۇقتىرعاندار قاتارى 163 مىڭنان، 1 تامىزدان بەرگى كوروناۆيرۋس پنەۆمونياسى 46 مىڭنان اسقان. ددسۇ مالىمەتىنشە، قازاقستاندا اۋىرعانداردىڭ سانى 207 مىڭعا جەتسە، ال ۇلتتىق ستاتيستيكادا 209 مىڭعا وسكەن. دەگەنمەن ۇكىمەت كوروناۆيرۋس پەن ونىڭ پنەۆمونياسىن ەكى بولەك ەسەپتەيدى. حالىقارالىق ۇيىم تۋىستاس دەرتتىڭ قاۋپى بىردەي ەكەنىنە باسا نازار اۋدارسا دا قازاقستاننىڭ دەنساۋلىق ساقتاۋ مينيسترلىگى كوروناۆيرۋس پەن ونىڭ پنەۆمونيالىق تۇرىنە ەكى ءتۇرلى كوزقاراسپەن قارايدى. ونىڭ انىق دالەلى – كۆي+ دياگنوزى بويىنشا جاڭا انىقتالعان ناۋقاستار مەن قايتقاندار، ايىعىپ شىققانداردىڭ ايماقتارداعى كورسەتكىشى كۇندەلىكتى جاريالانادى، ال كۆي- دەرەگى تەك جيىنتىق ماندە بەرىلەدى. كوروناۆيرۋس پنەۆمونياسىنىڭ ايماقتارعا تارالۋى جونىندەگى ەسەپ مينيستر و باستا ايتقانداي كۇندەلىكتى نە اپتاسىنا ەمەس، ون كۇندە ءبىر رەت، ونىڭ وزىندە ۆەدومستۆو سايتىنا فايل فورماتىندا جۇكتەلىپ كەلەدى.

پاندەميا باستالعالى جالپى ۆيرۋس جۇققانداردىڭ 3,7 مىڭى (كۆي+ / U07.1 – 2360, كۆي- / U07.2 – 525, ىلەسپە اۋرۋلاردان – 816) قايتىس بولعان. الايدا قازاقستان بيلىگى بويىنان كوروناۆيرۋس تابىلسا دا، باسقا اۋرۋلاردىڭ سەبەبىنەن قايتىس بولدى دەلىنگەن 816 ادامدى جالپى ستاتيستيكاعا قوسىپ ەسەپتەمەيدى. بۇعان قارسى كەيبىر ساراپشىلاردىڭ پىكىرىنە قاراعاندا، كوروناۆيرۋستىڭ جاناما اسەرىنەن قايتقانداردىڭ جارتىسىنان استامىنىڭ سەبەبى قان اينالىمى جۇيەسىنىڭ اۋرۋلارى بولعاندىقتان، وعان ينفەكتسيا دەرت قوزدىرۋشى فاكتور رەتىندە ولىمگە اكەپ سوقتىرعان.

ازىرگە ۆيرۋس تارالۋ قاتەرى جاعىنان اقمولا جانە اتىراۋ وبلىستارى – قىزىل، استانا مەن الماتى قالاسى، سقو، بقو، قوستاناي، پاۆلودار وڭىرلەرى – سارى ايماقتا تۇر. قىزىل ايماققا ەنگىزىلگەن وبلىستارعا قاراعاندا ون كۇننەن بەرى اۋرۋ ەڭ كوپ تىركەلىپ جاتقان الماتى قالاسىنىڭ نەلىكتەن سارعىشتانىپ تۇرعانى بەلگىسىز.

قوعامدا بىلتىرعى 256 مىڭ پنەۆمونيا جاعدايىن ەسەپكە قوسپاي، جالپى ستاتيستيكانى «ماۋسىم-شىلدە قىرعىنان» كەيىن جۇرگىزە باستاعان ۇكىمەتتىڭ ەسەبىنە كۇمانمەن قارايتىندار كوبەيگەن.

قازاقستان ۆيرۋس تارالۋى بويىنشا الەمدە Worldometers دەرەكقورى جانە ددسۇ تىزىمىندە 49-شى ورىندا تۇر.

"The Qazaq Times"