The Guardian باسىلىمىنىڭ حابارلاۋىنشا، ۇلىبريتانيا پرەمەر-ءمينيسترى بوريس دجونسون مەن ەۋروكوميسسيا باسشىسى ۋرسۋلا فون دەر ليايەن بريۋسسەلدەگى كەزدەسۋدە ورتاق مامىلەگە كەلە المادى.
تاراپتار ماسەلەگە قاتىستى اشىق پىكىر الماسقانىنا قاراماستان قايشىلىقتار كوپ. سوندىقتان لوندون مەن بريۋسسەل الداعى كۇندەرى كەلىسسوزدى جالعاستىرۋعا كەلىستى. سوڭعى شەشىم 13 جەلتوقساندا قابىلدانۋى كەرەك.
نەگىزىنەن بريۋسسەل مەن لوندون اراسىنداعى ديپلوماتيالىق قارىم-قاتىناستار تۋرالى كەلىسسوزدەر 15-16 قازاندا ەو سامميتىندە بەكىتىلۋى كەرەك ەدى. الايدا، بريۋسسەل مەن لوندون كەزەكتى مارتە ورتاق كەلىسىمگە كەلە المادى. ەۋروپالىق كەڭەستىڭ باسشىسى چارلز ميشەلدىڭ ايتۋىنشا، سامميتتە ۇلىبريتانيامەن سەرىكتەستىك تۋرالى كەلىسىمگە نۇكتە قويىلۋى ءتيىس. سونىمەن قاتار، ول قوعامداستىقتىڭ كەيبىر ەلدەرى «كەلىسىمسىز» ستسەناريگە دايىن بولۋى كەرەكتىگىن ەسكەرتتى.
ۇلىبريتانيا 2020 جىلى 1 اقپانعا قاراعان ءتۇنى ەۋروپالىق وداق قۇرامىنان شىقتى. بريۋسسەل مەن لوندون وسى جىلدىڭ سوڭىنا دەيىنگى وتپەلى كەزەڭ تۋرالى ۋاعدالاسقان. ونىڭ بارىسىندا بىرىككەن كورولدىككە بىرىڭعاي ەۋروپالىق نارىق قاعيدالارى بويىنشا ساۋدانى جۇزەگە اسىرۋدى قوسا العاندا، بارلىق ەۋروپالىق نورمالار قولدانىلادى. بريتان ۇكىمەتى ەو-مەن بولاشاق بايلانىستاردىڭ فورماتى تۋرالى ۋاعدالاسىپ، ەركىن ساۋدا تۋرالى كەلىسىم جاساسۋى ءتيىس.
2019 جىلى ۇلىبريتانيا مەن ەو ساۋدا كولەمى شامامەن $900 ملرد. بولعان. ەگەر تاراپتار بۇل جولى دا كەلىسىمگە كەلە الماسا، 31 جەلتوقساننان باستاپ بارلىق باجدار مەن كۆوتالاردى قولدانىپ، دۇنيەجۇزىلىك ساۋدا ۇيىمىنىڭ ەرەجەلەرى بويىنشا ساۋدا جاساي باستايدى.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟