قازاقستاننىڭ دەنساۋلىق ساقتاۋ ۆيتسە-ءمينيسترى، باس مەملەكەتتىك سانيتارلىق دارىگەر ەرلان قياسوۆ. فوتو: وكق

قازاقستاننىڭ باس مەملەكەتتىك سانيتار-دءارىگەرى، دەنساۋلىق ساقتاۋ ۆيتسە-ءمينيسترى ەرلان قياسوۆ مينيسترلىكتىڭ ەكىنشى تولقىنداعى شارىقتاۋ كەزەڭى  قاڭتار-اقپان ايلارىندا ءوتۋى مۇمكىن دەگەن بولجامىن ءبولىستى.

ونىڭ ايتۋىنشا، قازىر «ەپيدەميولوگيالىق جاعداي تۇراقتى». بۇعان دەيىن دەنساۋلىق ساقتاۋ مينيسترلىگى پەسسيميستىك ستسەناري بويىنشا، دەرت ءورشيتىن كەز جەلتوقسان-قاڭتار ايلارىنا تۇسپا-تۇس كەلەدى دەپ بولجاعان.

بىراق «ءبارىمىز كورىپ وتىرعانداي، احۋال وپتيميستىك باعىتتا جالعاسىپ جاتىر».

«ءبىز بولجامدى جاعدايعا بايلانىستى، اپتا سايىنعى دەرەك بويىنشا قاراستىرىپ وتىرامىز. جاعدايدىڭ ناشارلاۋى تۋرالى ايتساق، ياعني پەسسيميستىك ستسەناريدىڭ شارىقتاۋ كەزەڭى الداعى جىلدىڭ قاڭتار ايىنىڭ سوڭى مەن اقپان ايىندا وتەدى دەپ بولجايمىن»، – دەپ حابارلادى قياسوۆ.

جازدىگۇنى قازاقستاندا ىندەت ءورشىپ، ۇكىمەت «ماۋسىم-شىلدە قىرعىنىنا» جول بەرىپ العان. سول كەزدە قاتە بولجام جاساعان مينيسترلىكتىڭ ولقىلىعىنان مەديتسينا ماماندارى مەن اۋرۋحانالاردا ورىن، ءدارى-دارمەك جەتىسپەي جۇزدەگەن ادام قايتىس بولعان.

"The Qazaq Times"