فوتو: bbc

ۋكراينانىڭ ۇلتتىق بانك باسشىسى ۆالەريا گونتارەۆا وتستاۆكاعا كەتتى – دەپ جازادى bbc.com سايتى.

«مەن ۋكراينا پرەزيدەنتى پەتر پوروشەنكوعا ءوز ەركىممەن  وسى جىلدىڭ 10 مامىرىندا كەتۋ جونىندە ءوتىنىش جازدىم. ەگەر جوعارعى رادا ءوتىنىشىمدى قابىلدايتىن بولسا، ەرتەرەك كەتۋىم دە مۇمكىن» - دەدى ۆالەريا گونتارەۆا.

ەستەرىڭىزگە سالايىق ۋكراينا حالقى ۇلتتىق بانك باسشىسىن رەسەيلىك كومپانيالارمەن بايلانىسى بار - دەپ ايىپتاپ، وتستاۆكاعا كەتۋىن تالاپ ەتىپ گونتارەۆانىڭ ءۇيىنىڭ الدىندا شەرۋ وتكىزگەن بولاتىن. ەرەۋىلشىلەر پەتر پوروشەنكودان  رەسەيلىك «سبەربانكتى» جاۋىپ تاستاۋدى دا سۇراعان ەدى.

ۆالەريا گونتارەۆا ۋكراينا تاريحىندا ۇلتتىق بانكتى باسقارعان جالعىز ايەل ادام بولاتىن.

“The Qazaq Times”