ەۋروپالىق وداققا مۇشە 27 ەلدىڭ باسشىلارى 10-11 جەلتوقساندا سامميت وتكىزبەك.
سامميتتە ولار رەسەيگە قارسى ەكونوميكالىق سانكتسيالاردى 6 ايعا ۇزارتۋ تۋرالى شەشىم قابىلدايدى. قاتاڭ قاۋلىلار مەرزىمى 2021 جىلدىڭ قاڭتارىندا اياقتالادى.
سونىمەن قاتار جيىندا گەرمانيا كانتسلەرى انگەلا مەركەل مەن فرانتسيا پرەزيدەنتى ەممانۋەل ماكرون مينسك كەلىسسوزىن تالقىعا سالماق. ەۋروپالىق كەڭەس توراعاسى شارل ميشەل: «جەلتوقساندا وتەتىن سامميت بارىسىندا جەرورتا تەڭىزىنىڭ شىعىسى مەن رەسەيگە قارسى سانكتسيانى تالقىلاۋدى جوسپارلاپ وتىرمىز. وعان دەيىن ايماقتاعى جاعداي ءجىتى قاداعالانىپ، تاراپتاردىڭ ارەكەتى ۇنەمى باقىلاۋدا بولادى»، – دەدى.
سونىمەن قاتار ەو ەلدەرى باسقوسۋدا ۇلىبريتانيامەن ساۋدا كەلىسىمشارتىن بەكىتۋى كەرەك ەدى. الايدا تاراپتار تاعى دا ورتاق شەشىمگە كەلە المادى. كەزدەسۋدە وزگە دە سىرتقى ساياسات ماسەلەلەرى مەن ەۋروپاداعى كوروناۆيرۋس ىندەتى تالقىلاندى.
باسقوسۋدىڭ باستى تاقىرىبى – ەۋرووداق پەن بىرىككەن كورولدىك بايلانىسى. ساراپشىلار ەۋرووداق كەلىسمشارتسىز ستسەناريگە دە دايىندالۋ قاجەت دەيدى. وسى ماقساتتا وداقتىڭ باس مامىلەگەرى ميشەل بارنە لوندونعا تاعى ساپار شەگەدى.
ەرتاەۆ قايتا قامالعان كۇز: راقىمشىلىق «زاڭسىزدىق جارمەڭكەسىنە» اينالدى ما؟
تالعار تراگەدياسى: قىزىلقايراتتاعى قىلمىسقا قاتىستى جەتى ءىس قوزعالدى
قىزىلورداداعى №60 مەكەمەدەن حات: قاماۋداعى دۋمان مۇحامەتكارىم قاۋىپسىزدىك سۇرايدى
تالعارداعى قاندى وقيعا: ءىىم-گە جولدانعان ساۋال جانە قوعام كۇتكەن جاۋاپ
تالعاردا تاعى دا قاندى وقيعا. پوليتسيانىڭ جاۋاپسىزدىعى ما، جۇيەلىك داعدارىس پا؟
قايرات قوجامجاروۆقا قاتىستى تەرگەۋ: نازارباەۆ ءداۋىرىنىڭ ىقپالدى شەنەۋنىگىنە كەزەك كەلدى