بەيجىڭ بيلىگى تىڭشىلار جايلى اقپارات ءۇشىن 72 مىڭ دوللار سىياقى بەرۋگە دايىن

بەيجىڭنىڭ قۇزىرلى ورگاندارى قالا تۇرعىندارىنىڭ شەتەلدىك تىڭشىلار جايلى كەز-كەلگەن اقپاراتى ءۇشىن 72  مىڭ دوللار سىياقى ۇسىنىپ وتىر.

بەيجىڭدەگى مەملەكەتتىك قاۋىپسىزدىك مۋنيتسيپالدى بيۋروسىندا تۇرعىنداردان كەلەتىن تىڭشىلار جايلى اقپاراتتارعا ارنالعان ارنايى بايلانىس جەلىسى ىسكە قوسىلىپ، كەلىپ تۇسكەن اقپاراتتاردىڭ ماڭىزدىلىعىنا قاراي ارنايى اقشالاي سىياقى تاعايىندالعان. كەلىپ تۇسكەن اقپارات دالەلدەنسە، اقپارات بەرۋشى 72 مىڭ دوللارعا دەيىنگى  سىياقىنىڭ  يەسى اتانا الادى.

وسى ماسەلەمەن اينالىساتىن ارنايى كوميتەت وكىلدەرنىڭ ايتۋىنشا: «بەيجىڭ – مەملەكتتىك قۇپيا اقپاراتتاردى ۇرلاۋ، مەملەكەتارالىق جاڭجالداردى ۇيىمداستىرۋ سونىمەن قاتار، ەلدىڭ حالىقارالىق بەدەلىنە نۇقسان كەلتىرۋگە بايلانىستى شەتەلدىك تىڭشىلار مەن ارنايى اگەنتتەردىڭ نەگىزگى نىسانى بولىپ تابىلادى. سول سەبەپتى دە وسىنداي شارالاردى ۇيىمداستىرۋ اسا ماڭىزدى بولىپ وتىر».

South China Morning Post اگەنتتىگىنىڭ حابارلاۋىشا، وسى سەكىلدى ارنايى بايلانىس جەلىسىن ۇيىمداستىرۋ قىتايدا 2  جىل بۇرىن قولعا الىنعان بولاتىن.

“The qazaq Times”