«نەمكەتتىگە» سالۋعا بولار ەدى، الايدا اقش پرەزيدەنتى كىم بولادى دەگەن داۋ قۇراما شتاتتاردان القىپ شىعىپ، ءبىزدىڭ ارامىزعا دا جەتكەندەي.  بىرقاتار امەريكالىق باسىلىمدار جوزەف بايدەندى اقش-تىڭ كەلەسى پرەزيدەنتى قاتارىندا اتاپ جاتقانىمەن، اق ۇيدە بيلىك اۋىسۋعا دەگەن ەشقانداي دايىندىق جوق. انىعىندا اقش-تىڭ سايلاۋدا جەڭگەن پرەزيدەنتىن رەسمي اتاۋعا قۇزىرەتى بار ەكى عانا ورگان بار، وعان قاراماستان بىرقاتار باسىلىمداردىڭ بايدەندى پرەزيدەنت قاتارىندا ايتىپ جاتۋى سول ەلدەگى ساياسي توپتار اراسىنداعى اقپاراتتىق تارتىستىڭ ءبىر ۇشى بولسا كەرەك.

سونىمەن ترامپقا كەلەيىك، ترامپ بايدەندى جەڭدى دەپ ەسەپتەمەيدى. وعان قوسا ونىڭ اكىمشىلىگى مەن رەسپۋبليكاشىل پارتيا كەيبىر شتاتتارداعى سايلاۋ ناتيجەسىنە قاتىستى ۋاجدەرىمەن سوتقا قايرىلىپ وتىر. بايدەندى ايتساق، اق ۇيدەگى اكىمشىسىن تاعايىنداپ، الداعى جۇمىستارىنا قاۋىرت دايىندىعىن باستاپ كەتكەن. ءتىپتى، پرەزيدەنت رەتىندە العاشقى قولعا الاتىن جۇمىسى ىندەتپەن قالاي كۇرەسەتىنىن دە توپتى ورتادا مالىمدەپ، كادىمگى پرەزيدەنتتەي كىرىسكەنى بايقالادى. ناتيجە دە «دەموكراتيا ۇلگىسى» قۇراما شتاتتاردا پرەزيدەنتتىك سايلاۋدا وسىندا بەلگىسىزدىك قالىپتاسىپ وتىر.

اقش-تىڭ فەدەرالدىق زاڭى سايلاۋدان كەيىن بيلىك الماسۋىن قامتاماسىز ەتۋدى جالپى قىزمەتتەر اكىمشىلىگىنە جقا (General Services Administration)  جۇكتەيدى. ول فەدەرالدىق ورگان قاتارىندا سايلاۋدىڭ جەڭىمپازىن مويىنداماسا، ەشقانداي بيلىك الماسۋ بولمايدى. جاي كۇندە بار جوعى بىلىنبەيتىن بۇل ورگان فەدەرالدى ۇكىمەت دەپارتامەنتتەردىڭ نەگىزگى باعدارلامالارىن، سونىڭ ىشىندە بيلىك الماسۋىنا قاتىستى ماسەلەلەرگە جاۋاپ بەرەدى. تاپ قازىر وسى ورگاندى باسقارىپ وتىرعان ەميلي مەرفيدى ترامپ تاعايىنداعان. ول بايدەننىڭ 2020 جىلعى سايلاۋداعى جەڭىسىن راستاعان جوق.

ەميلي مەرفي راستاماسا بايدەننىڭ وتپەلى جۇمىس توبى ءوز جۇمىستارىن ءتيىمدى جۇرگىزە المايدى. بىلايشا ايتقاندا، فەدەرالدىق ۇكىمەت ۇسىنعان قاراجاتتاردى يگەرە المايدى، ساياسي جاعدايدى باعامداۋ ءۇشىن ءتۇرلى دەپارتامەنتتەرگە كىرە المايدى، ۇلتتىق قاۋىپسىزدىك تۋراسىنداعى مالىمەتتەرگە قول جەتكىزە المايدى جانە بايدەن كومانداسىنداعى ادامدار وزدەرى بەلگىلەنگەن لاۋازىمدى قىزمەتتەرگە دايىندىق جۇمىستارىن جۇرگىزە المايدى.

جقا سايلاۋدىڭ جالپى قورىتىندىسى ءالى دە بەلگىسىزدىكتەرگە تولى بولعاندىقتان، سوڭعى قورىتىندىنىڭ شىقپاعانىن مالىمدەدى. اتالعان اكىمشىلىك بيىلعى پرەزيدەنت سايلاۋى 2000 جىلعى سايلاۋ پروتسەسىنە ۇقسايتىنىن العا تارتتى. كىشى بۋش پەن البەرد گوردىڭ فلوريداداعى داۋىنا بايلانىستىن جقا بۋشتىڭ سايلاۋدا جەڭىسكە جەتكەنىن جوعارى سوتتىڭ 13 جەلتوقسانداعى شەشىمىنەن كەيىن عانا مويىنداعان بولاتىن.

ترامپ اكىمشىلىگى قالىپتى جۇمىسىن جالعاستىرىپ جاتقانداي. وتكەن اپتادا مەملەكەتتىك حاتشى مايكل پومپەو ترامپ اكىمشىلىگىنىڭ ەكىنشى كەزەڭگە ەشقانداي قيىندىقسىز وتەتىنىن ايتقان.

“The Qazaq Times”