گرۋزيا وپپوزيتسياسى جاقتاستارىن الاڭعا شاقىردى

سەنبىدە وتكەن گرۋزياداعى پارلامەنت سايلاۋىنان كەيىن نارازىلىق شارالارى كۇشەيدى. رەسمي مالىمەتتەر بويىنشا سايلاۋدا قازىرگى بيلىكتەگى "گرۋزيا ارمانى" پارتياسى باسىم داۋىسقا يە بولعان. الايدا، وپپوزيتسيا سايلاۋ قورىتىندىسىنا رازى ەمەس ەكەنىن ءبىلدىرىپ، جاقتاستارىن الاڭعا شاقىرعان. 

نارازىلىق شاراسى جەكسەنبى كۇنى ءتبليسيدىڭ ورتالىعىنداعى پارلامەنت عيماراتى الدىندا باستالدى. وپپوزيتسيا جاقتاستارى سايلاۋ ناتيجەسى بۇرمالاندى دەپ سانايدى، ال، بيلىك پارتياسى بولسا بۇل دەموكراتياعا دەگەن تاعى ءبىر زور قادام دەپ ءبىلدىردى.

گرۋزيا پرەمەرى گەورگي باحاريا جاھاندىق ىندەتكە قاراماستان سايلاۋعا باقىلاۋشىلىق ەتكەن حالىقارالىق باقىلاۋشىلارعا العىسىن ءبىلدىرىپ جاتتى. ول جانە قازىرگى قيىنشىلىقتارعا قاراماي گرۋزيا اشىق ءارى ءادىل سايلاۋ وتكىزگەنىن مالىمدەدى.

ەلدەگى وسك مالىمەتىنە سەنسەك، بيلىكتەگى "گرۋزيا ارمانى – دەموكراتيالىق گرۋزيا" پارتياسى 48,15 پايىزدى، وعان وپپوزيتسيا "بىرىككەن ۇلتتىق قوزعالىس پارتياسى" 27,14 پايىز داۋىسقا يە بولعان.

گرۋزي ەلدىندەگى كەزەكتى سايلاۋ بۇرىنعىدان وزگەشە تۇزىمدە ءوتتى. بۇرىنعى 70 دەپۋتاتتىڭ ورنىنا 120 دەپۋتاتتى پروپورتسيونالدى جولمەن تالداپ شىقتى. وعان قوسا پارتيالارعا بەرىلگەن پايىزدىق شەك 5-تەن بىرگە ازايتىلعان بولاتىن. بۇل ۇساق پارتيالاردىڭ دا پارلامەنتتەن ورىن الۋىنا مۇمكىندىك بەرەدى.

“The Qazaq Times”