كوپتەن بەرى تاۋلى قاراباق ماسەلەسىنە جالعىز ءوزى ارا اعايىندىق جاساماق بولعان ماسكەۋ ەندى تۇركيانى قامتىعان كوپتەگەن ەلدەردىڭ كەلىسسوزگە قاتىسۋىن سۇراپ وتىر. بۇل تۋرالى رەسەي پرەزيدەنتى ۆلاديمير پۋتين مالىمدەگەن.

پرەزيدەنت پۋتين تاۋلى قاراباق ماسەلەسى بويىنشا ءازىربايجان مەن ارمەنيانىڭ مۇددەلەرىن تەڭەستىرە وتىرىپ، بىتىمگەرشىلىككە كەلۋگە، ونداعى اتىستى تەز ارادا توقتاتۋعا شاقىردى جانە بۇل ءۇشىن تۇركيانى قامتىعان ەلدەردىڭ كەلىسسوزگە قاتىسۋى كەرەكتىگىن بىلدىرگەن.

رەسەي باسشىسىنىڭ ايتۋىنشا، الدىمەن اسكەري قيمىلداردى توقتاتىپ، كۇن سايىن ارتىپ جاتقان ادام شىعىنىن بولدىرماۋ، ودان كەيىنگى قادامدا تۇركيا، ەۋروپا قاۋىپسىزدىك جانە ىنتىماقتاستىق ۇيىمى، سونداي-اق، اقش قاتارلى ەلدەردىڭ توراعالىعىمەن كەلىسسوز جۇرگىزۋدى ۇسىنعان. ول ءازىربايجان مەن ارمەنيانىڭ تاۋلى قاراباق بويىنشا مۇددەسىن تەڭەستىرۋدى باسا بەلىگىلەپ وتىر.

“The Qazaq Times”