Көптен бері Таулы Қарабақ мәселесіне жалғыз өзі ара ағайындық жасамақ болған Мәскеу енді Түркияны қамтыған көптеген елдердің келіссөзге қатысуын сұрап отыр. Бұл туралы Ресей президенті Владимир Путин мәлімдеген.

Президент Путин Таулы Қарабақ мәселесі бойынша Әзірбайжан мен Арменияның мүдделерін теңестіре отырып, бітімгершілікке келуге, ондағы атысты тез арада тоқтатуға шақырды және бұл үшін Түркияны қамтыған елдердің келіссөзге қатысуы керектігін білдірген.

Ресей басшысының айтуынша, алдымен әскери қимылдарды тоқтатып, күн сайын артып жатқан адам шығынын болдырмау, одан кейінгі қадамда Түркия, Еуропа Қауіпсіздік және Ынтымақтастық ұйымы, сондай-ақ, АҚШ қатарлы елдердің төрағалығымен келіссөз жүргізуді ұсынған. Ол Әзірбайжан мен Арменияның Таулы Қарабақ бойынша мүддесін теңестіруді баса белігілеп отыр.

“The Qazaq Times”