بەلارۋستەگى جالپىحالىقتىق ەرەۋىل. فوتو: ار

كەشە بەلارۋستە جالپىحالىقتىق ۋلتيماتۋمنىڭ مەرزىمى اياقتالىپ، بيلىككە قارسى جاپپاي ەرەۋىل باستالعان. ادەتتەگىدەي، ەل بيلىگى بۇكىلحالىقتىق ەرەۋىلگە شىققانداردى كۇشپەن تاراتۋعا بارىن سالدى.

Tut.by پورتالىنىڭ حابارلاۋىنشا، بىرنەشە ساعات ىشىندە 250-دەن استام ادام ۇستالعان. تاۋەلسىزدىك الاڭىندا نارازىلىق بىلدىرۋشىلەر توبى قۇرىلىپ، سودان كەيىن وكتيابر الاڭىنا بەت العان. وسى كەزدە قاۋىپسىزدىك كۇشتەرى بىرنەشە ادامدى ۇستاپ، نارازىلىق بىلدىرۋشىلەردى كۇشپەن تاراتتى.

قۇقىق قورعاۋشىلار تىزىمىندە 254 ادامنىڭ اتى-ءجونى جازىلعان. ءتىزىم ءالى دە تولىقتىرىلىپ جاتىر. تەرگەۋە الىنعانداردىڭ كوپشىلىگى مينسك، گرودنو، برەست، نوۆوپولوتسك پەن بوريسوۆتا كوپ.

ۇستالعاندار اراسىندا وپپوزيتسيانىڭ بۇكىلحالىقتىق ەرەۋىلگە شاقىرۋىن قولدايتىن جەتەكشى مەتروپوليا ۋنيۆەرسيتەتتەرىنىڭ ستۋدەنتتەرى بار.

25 قازاندا مينسكتە جانە باسقا دا قالالاردا «حالىقتىق ۋلتيماتۋم» شەرۋى ءوتتى. بۇل – ەكى ايعا سوزىعان بارلىق نارازىلىق اكتسيالارى كەزەڭىندە بەلارۋس استاناسىنداعى ەڭ اۋقىمدى شەرۋدەردىڭ ءبىرى.

جەرگىلىكتى باسىلىمدارعا سۇحبات بەرگەن تيحانوۆسكايا: «بۇگىن رەجيم قولىنان كۇش قولدانۋ عانا كەلەتىنىن تاعى ءبىر رەت دالەلدەدى. الايدا كوپكە جانە پەرزەنتحانا تەرەزەسىنىڭ تۇبىنە قۇلاق تۇندىراتىن گراناتا لاقتىرۋ – كۇش ەمەس. رەجيم شىندىقتى ايتىپ، ءوز سوزىنە جاۋاپ بەرۋگە جانە ادامداردىڭ تالاپتارىن ورىنداۋعا دايىن ەمەس. دەمەك، بۇل رەجيم بەلورۋس حالقىنا لايىق ەمەس»، – دەپ مالىمدەدى.

بەلارۋستەگى نارازىلىق شەرۋلەرىنە ەكى ايدان استام ۋاقىت ءوتتى. 9 تامىزدا وتكەن پرەزيدەنتتىك سايلاۋدا وسك الەكساندر لۋكاشەنكونىڭ 80% -دان استام، ال سۆەتلانا تيحانوۆسكايا 10%-دان ءسال ارتىق داۋىس جيناعانىن جاريالاعان. كەيىننەن بەلارۋس وپپوزيتسيا وكىلدەرى سايلاۋ ناتيجەسىن جويىپ، قايتادان سايلاۋ وتكىزۋدى تالاپ ەتتى. رەسمي مالىمەتپەن كەلىسپەگەن حالىق تا جاپپاي نارازىلىق اكتسياسىنا شىقتى، ال بيلىك ولاردى اياۋسىز باسۋمەن بولدى. بەلارۋستەگى «دەموكراتيا جولىنداعى كۇرەس» ءالى دە جالعاسىپ كەلەدى.

"The Qazaq Times"