فرانتسيانىڭ ۇلتتىق جينالىسى كوروناۆيرۋستىڭ ەكىنشى تولقىنىنا بايلانىستى توتەنشە جاعداي رەجيمىن 2021 جىلعى 16 اقپانعا دەيىن ۇزارتۋ تۋرالى زاڭ جوباسىن ماقۇلدادى. Franceinfo فرانتسۋز باسىلىمىنىڭ مالىمەتىشە، اتالعان زاڭ جوباسى قاراشانىڭ باسىندا تولىق قابىلدانۋى ءتيىس.
16 قازاننان باستاپ ەلدە 4 اپتاعا توتەنشە جاعداي ەنگىزىلىپ، كارانتين شارالارى كۇشەيتىلدى. بيلىك ونى قاراشانىڭ سوڭىنا دەيىن سوزۋدى كوزدەپ وتىر. تارتىپكە باعىنباعاندار ءبىرىنشى رەت ەرەجە بۇزسا 135 ەۋرو كولەمىندە، ال ەكىنشى قايتارا تىركەلسە 6 500 ەۋرو ايىپپۇل تولەيدى. مۇنىمەن قوسا، كينوتەاتر، تەاتر، كافە-بارلاردىڭ جۇمىس ۋاقىتىنا شەكتەۋ ەنگىزىلدى. جاڭا قاۋلىنى بەكىتكەن فرانتسيا پرەزيدەنتى ەممانۋەل ماكرون: «ءبىز كومەندانتتىق ساعات رەجيمىن ەنگىزۋ ارقىلى ەلدىڭ 9 ايماعىندا كوروناۆيرۋستىڭ تارالۋىن تەجەمەكپىز. ال تۋعان كۇندى اتاۋ ءوتۋ سەكىلدى ساۋىق كەشتەرى كەرىسىنشە ينفەكتسيانىڭ تارالۋىنا جول اشادى»، – دەيدى.
فرانتسياىڭ بىرقاتار ايماقتارىندا تۇنگى ۋاقىتتا كومەندانتتىق ساعات ەنگىزىلىپ، ادامدار تەك قىزمەت بابى بويىنشا دارىگەرگە قارالۋعا نەمەسە ساپارلايتىن جولاۋشىلارعا عانا جۇرۋگە رۇقسات ەتىلگەن. كارانتين كۇشەيتىلگەن ايماقتارعا قوسىمشا 12 مىڭ پوليتسەي جىبەرىلدى. الداعى بىرنەشە ايدا پاريج بەن تاعى 8 ءىرى قالادا مەرەكەلىك كەشتەر ۇيىمداستىرۋعا تىيىم سالىنعان. سونىمەن قاتار مەملەكەتتىك جانە جەكەمەنشىك كومپانيا قىزمەتكەرلەرى قاشىقتان جۇمىس ىستەۋگە كوشىرىلدى.
الەمدە كوروناۆيرۋس جۇقتىرعاندار سانى 43 ميلليونعا جۋىقتاعان. فرانتسيادا 1 ميلليوننان استام كەيس تىركەلسە، 34 مىڭ ادام كوز جۇمعان.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟